ۇلتتىق قوردان كاسىپكەرلىكتى قولداۋعا 500 ميلليارد تەڭگە بولىنبەك

استانا. قازاقپارات - ەلباسىنىڭ تىكەلەي تاپسىرماسىمەن بيىل ۇلتتىق قوردان بيزنەستى قولداۋعا 500 ميلليارد تەڭگە بولىنبەك، دەپ جازادى 24.kz.

بۇدان بىلاي ءۇ ي ي د باعدارلاماسىن جۇزەگە اسىرۋ بارىسىندا وڭىرلەرگە ايقىن باسىمدىلىق بەرىلەدى. بۇل تۋرالى كاسىپكەرلىكتى دامىتۋ جونىندە شىمكەنتتە وتكەن باسقوسۋدا ايتىلدى.

جيىن ۇلتتىق كاسىپكەرلەر پالاتاسىنىڭ پرەزيديۋم ءتوراعاسى تيمۋر قۇلىبايەۆتىڭ قاتىسۋىمەن ءوتتى. باسقوسۋدا كاسىپكەرلەر وزەكتى ماسەلەلەر جونىندە پىكىرلەرىن ورتاعا سالدى. بۇل ۇسىنىستار ماۋسىم ايىنىڭ سوڭىنا جوسپارلانىپ وتىرعان ۇلتتىق كاسىپكەرلەر پالاتاسىنىڭ 1- سەزىندە تالقىلاناتىن بولادى.

تيمۋر قۇلىبايەۆ، ق ر  ۇ ك پ پرەزيديۋمىنىڭ ءتوراعاسى:

- قۇقىقتىق- نورماتيۆتىك اكتىلەرگە بيزنەستى قولداۋعا باعىتتالعان 500 دەن استام وزگەرىس ەنگىزىلدى. وتكەن اپتادا ەۋرازيالىق ەكونوميكالىق وداق قۇرۋ جونىندەگى كەلىسىمشارتقا قول قويىلعانى بەلگىلى. وسى كەلىسىمشارتتا ءبىزدىڭ كاسىپكەرلەردىڭ پىكىرلەرى ەسكەرىلگەن 120 دان استام وزگەرىس ۇسىنىلىپ، ونىڭ باسىم بولىگى مەملەكەت تاراپىنان قولداۋعا يە بولدى. جالپى بۇل ناتيجەلى جۇمىسقا ءبىز قاناعاتتانىپ وتىرمىز.