ەسكى 500 تەڭگەلىكتەر 10 - ماۋسىمنان كەيىن جارامسىز بولادى
«بۇگىنگى كۇنى 2006 -جىلعى 500 تەڭگەلىك بانكنوتتار جاڭاسىمەن بىرگە اقشا اينالىمىندا ءجۇر، ول زاڭدى تولەم قۇرالى بولىپ تابىلادى، قازاقستانىڭ بارلىق اۋماعىندا تولەمدەر مەن اقشا اۋدارىمدارى ءۇشىن قابىلدانۋعا ءتيىس»، - دەپ حابارلادى ۇلتتىق بانكتىڭ باسپا ءسوز قىزمەتى.
2020 -جىلدىڭ 10- ماۋسىمىنا دەيىن تولەم قۇرالى رەتىندە ەسكى ۇلگىدەگى بانكنوتتاردى قابىلداۋدان باس تارتۋعا جول بەرىلمەيدى. بانكنوت پەن مونەتالاردى قابىلدايتىن زاڭدى تولەم قۇرالى اۆتوماتتار دا ەسكى 500 تەڭگەلىكتى قابىلداۋدان باس تارتۋى ق ر اكىمشىلىك قۇقىقبۇزۋشىلىق تۋرالى كودەكسىنىڭ 206-بابىن بۇزۋعا اكەلىپ سوعادى.
ەسكى جانە جاڭا ۇلگىلەردەگى بانكنوتتاردىڭ قاتار اينالىسى كەزەڭىندە 2006 -جىلعى ۇلگىدەگى نومينالى 500 تەڭگەلىك بانكنوتتاردى قابىلداۋدان باس تارتۋ فاكتىلەرى تۋىنداعان جاعدايدا، ءتيىستى شارالار قابىلداۋ ءۇشىن ۇلتتىق بانك ءتيىستى شارا قولدانادى.
2020 -جىلدىڭ 10 - ماۋسىمنان كەيىن (كەزەڭ اياقتالعان سوڭ) ەكىنشى دەڭگەيدەگى بانكتەر قاتار اينالىس كەزەڭى اياقتالعان كۇننەن باستاپ 12 اي ىشىندە ەسكى ۇلگىدەگى بانكنوتتاردى قابىلدايدى جانە قولدانىستاعى اقشا بەلگىلەرىنە ايىرباستايدى؛ ۇلتتىق بانكتىڭ فيليالدارى ەكىنشى دەڭگەيدەگى بانكتەردىڭ قابىلداۋ جانە ايىرباستاۋ مەرزىمى اياقتالعان سوڭ تاعى 3 جىل ىشىندە ەسكى ۇلگىدەگى بانكنوتتاردى قابىلدايدى، سونداي- اق ولاردى جاڭا ۇلگىدەگى اقشا بەلگىلەرىنە ايىرباستايدى.
وسىلايشا، 2020 -جىلدىڭ 10 - ماۋسىمنان كەيىن 2006 -جىلعى ۇلگىدەگى نومينالى 500 تەڭگەلىك بانكنوتتار زاڭدى تولەم قۇرالى بولىپ تابىلمايدى. سونىمەن بىرگە، 2017 -جىلعى ۇلگىدەگى نومينالى 500 تەڭگەلىك بانكنوتتار اينالىستا بولادى جانە تولەمدەردىڭ بارلىق تۇرلەرى بويىنشا قازاقستان رەسپۋبليكاسىنىڭ بۇكىل اۋماعىندا كورسەتۋلى قۇنى بويىنشا، سونداي- اق بانك شوتىنا ەسەپكە الۋ جانە اۋدارۋ ءۇشىن قابىلداۋعا، بارلىق بانكتەر مەن ۇلتتىق پوشتا وپەراتورى شەكتەمەستەن ۇساقتاۋعا جانە ايىرباستاۋعا مىندەتتى بولىپ قالا بەرەدى.
اۆتور: الما مۇقانوۆا
