باۋىرجان بايبەك: 500 ۇزدىك، 1000 جاس مۇعالىم ىنتالاندىرۋ سىيلىعىنا يە بولادى

الماتى اكىمى قالاداعى ءبىلىم بەرۋ جۇيەسىن دامىتۋدا وڭ ۇردىستەر بايقالعانىن اتاپ ءوتتى.
«بيىل الماتىدا ءبىلىم بەرۋ جۇيەسىنە 54, 5 ميلليارد تەڭگە ءبولىندى. بۇل وتكەن جىلعىمەن سالىستىرعاندا 11 پايىزعا ارتىق. ونىڭ ىشىندە وقۋلىقتار الۋعا 2 ميلليارد تەڭگە باعىتتالدى. بيىل الماتىنىڭ باستى تاريحي ورىندارىنىڭ ءبىرى - الماتى وقۋشىلار سارايى كاپيتالدى جوندەۋدەن ءوتتى. بيىلدىڭ وزىندە مەكتەپتەردىڭ جانىنان 16 بالاباقشانىڭ قۇرىلىسى باستالدى. جاقىندا 648 بالاعا ەسەپتەلگەن 2 بالاباقشا پايدالانۋعا بەرىلەدى»، - دەدى قالا اكىمى باۋىرجان بايبەك.
قالا باسشىسى مۇعالىمدەردىڭ بالا تاربيەلەۋدەگى ماڭىزدى ۇلەسىن ايتا وتىرىپ، ۇستازداردىڭ بىلىكتىلىگىن جەتىلدىرۋ جۇيەسى تۋرالى دا تىلگە تيەك ەتتى. ونىڭ ايتۋىنشا، قازىر قالادا كەمبريدج ۋنيۆەرسيتەتىنىڭ جۇيەسى بويىنشا 3 دەڭگەيلى جەتىلدىرۋ كۋرستارىنان 200 مۇعالىم وتكەن. ولاردىڭ جالاقىسىنا سايكەسىنشە 30, 70, %100 كولەمىندە ۇستەماقى قوسىلدى. سونداي- اق، قالا باسشىسى بيىل دا مۇعالىمدەردى ىنتالاندىرۋ جالعاساتىنىن جەتكىزدى.
«500 ۇزدىك مۇعالىم مەن 1000 جاس ۇستاز 150 مىڭنان 300 مىڭعا دەيىن كولەمىندە ىنتالاندىرۋ سىيلىعىن الاتىن بولادى»، - دەدى ول.
اۆتور: گۇلميرا عوسمانالي