جاپونيادا 50 جولاۋشىسى بار اۆتوبۋس 10 مەتر بيىكتىكتەن قۇلادى
نۇر- سۇلتان. قازاقپارات - جاپونياداعى گۋمما پرەفەكتۋراسىنىڭ تاۋلى اۋدانىندا ەلدىڭ باستى حونسيۋ ارالىنىڭ ورتالىعىندا تۋريستەر مىنگەن اۆتوبۋس 10 مەتر بيىكتىكتەن قۇلاپ كەتتى.
NHK تەلەارناسىنىڭ حابارلاۋىنشا، 14 ادام زارداپ شەككەن، ولاردىڭ تورتەۋىنىڭ جاعدايى اۋىر.
اۆتوبۋستا جاسى 50 دەن اسقان 50 جولاۋشى بولعان. ولار تۋريستىك ساياحاتقا قاتىسۋدى كوزدەگەن. شاماسى، كەزەكتى دەمالۋعا توقتاعان ساتتە سىرتقا شىققان جۇرگىزۋشى كولىكتىڭ تەجەتكىشىن ىسكە قوسۋدى ەستەن شىعارعان بولۋى كەرەك. سالدارىنان ورنىنان قوزعالعان اۆتوبۋس الاڭنان شىعىپ كەتكەن.