بەس پايىزبەن اۋىل شارۋاشىلىعى تەحنيكاسىنا ءوتىنىم قابىلداۋ باستالدى

 استانا. KAZINFORM - «قازاگروقارجى» ا ق وتاندىق وندىرۋشىلەردىڭ اۋىل شارۋاشىلىعى تەحنيكاسىن %5 بەن ساتىپ الۋعا «جەڭىلدىكتى ليزينگ» باعدارلاماسى بويىنشا وتىنىمدەر قابىلداۋدىڭ باستالعانى تۋرالى حابارلادى. باعدارلامانى جۇزەگە اسىرۋعا مەملەكەت 100 ميلليارد تەڭگە ءبولدى.

اۋىل شارۋاشىلىعى مينيسترلىگى باسپا ءسوز قىزمەتىنىڭ مالىمەتىنشە، «جەڭىلدىكتى ليزينگ» باعدارلاماسى وتاندىق ءوندىرىستىڭ جانە/نەمەسە قۇراستىرۋدىڭ اۋىل شارۋاشىلىعى تەحنيكاسىن قارجىلاندىرۋعا باعىتتالعان.

باعدارلامانىڭ شارتتارى: مولشەرلەمە – جىلدىق %5، ليزينگ مەرزىمى 7 جىلدان اسپايدى، سىياقى مولشەرلەمەسى - جىلدىق %5 (بەس) ، ءبىرىنشى ليزينگتىك تولەم – كەمىندە %10 (ون). ليزينگ نىساناسىن العاننان كەيىن 2024 -جىلعى 1-جەلتوقساننان كەشىكتىرمەيتىن مەرزىمدە تولەۋ مۇمكىندىگى بار.

جەڭىلدەتىلگەن باعدارلاما بويىنشا وتىنىمدەردى قابىلداۋ 17-ماۋسىم كۇنى ساعات 14:00 باستالادى.

«كليەنت ءوتىنىم بەرگەن كۇننەن باستاپ 5 جۇمىس كۇنى ىشىندە Telegram bot-قا «قازاگروقارجى» كومپانياسىنىڭ وڭىردەگى فيليالىنا قۇجاتتاردىڭ تولىق پاكەتىن ۇسىنۋى قاجەت. فيليالداردىڭ بايلانىس قۇرالدارى كومپانيانىڭ www.kaf.kz سايتىندا كورسەتىلگەن»، - دەلىنگەن حابارلامادا.