شىمكەنتتە 5 جانە 8 جاسار ەكى قىزدى زورلاماق بولعان كۇدىكتى ۇستالدى
11- ماۋسىم كۇنى پوليتسياعا بىرەۋ جاس ءوسپىرىم قىزداردى زورلاماق بولعانى تۋرالى اقپارات تۇسكەن.
اتالعان جايت بويىنشا ق ر ق ك 121-بابىنىڭ 4-بولىگىمەن سوتقا دەيىنگى تەرگەۋ ءجۇرىپ جاتىر.
ول قىلمىستىڭ سانكتسياسى بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، جيىرما جىلعا نەمەسە ءومىر بويىنا باس بوستاندىعىنان ايىرۋدى كوزدەيدى.
سول كۇنى پوليتسيا قىزمەتكەرلەرى 5 جاستاعى جانە 8 جاستاعى كامەلەتكە تولماعان قىزدارعا قاتىستى جاسالعان قىلمىستى اشۋ ءۇشىن شىمكەنت قالاسى پوليتسيا دەپارتامەنتىنىڭ قىزمەتكەرلەرىنەن قۇرالعان ارنايى جەدەل تەرگەۋ توبىن قۇردى.
كۇدىكتىنىڭ جۇرگەن جەرىن انىقتاۋ ماقساتىندا پوليتسيا قىزمەتكەرلەرى جەدەل-ىزدەستىرۋ ءىس-شارالارىن وتكىزىپ، قىلمىس ورىن العان اۋدانداعى تۇرعىن ۇيلەردى تەكسەردى.
جەدەل-تەرگەۋ توبىنىڭ جەدەل ءىس-قيمىلىنىڭ، سونداي-اق ازاماتتاردىڭ كومەگىنىڭ ارقاسىندا اتالعان قىلمىستاردى جاساعان كۇدىكتى ۇستالىپ، ۋاقىتشا ۇستاۋ يزولياتورىنا قامالدى. ول جەرگىلىكتى تۇرعىن بولىپ شىقتى.
بۇرىن سوتتالماعان، جۇمىسسىز، ۇيلەنبەگەن. ۇستالعان ازامات ءوز قىلمىسىن مويىندادى. ءتيىستى ساراپتامالار تاعايىندالدى، ولاردىڭ ناتيجەسى بويىنشا پروتسەسسۋالدىق شەشىم قابىلدانادى.
ايتا كەتۋ كەرەك، ەكى جايت تا ءبىر كۇنى، ءارتۇرلى جەرلەردە جانە ءارتۇرلى ۋاقىتتا جاسالدى.
كۇدىكتى اتا-اناسىنىڭ باقىلاۋىنسىز جۇرگەنىن پايدالانىپ، كامەلەتكە تولماعان بالالاردى ءتۇرلى سوزدەرگە سەندىرىپ، تاسا جەرگە الىپ كەتكەن.
