بيىل العاشقى توقساندا بيۋجەتكە 5,7 تريلليون تەڭگە سالىق ءتۇستى

استانا. قازاقپارات - 2023-جىلعى I توقساندا شوعىرلاندىرىلعان بيۋجەت (مەملەكەتتىك بيۋجەت جانە ۇلتتىق قور) سالىق تۇسىمدەرى بويىنشا 5667,3 ميلليارد تەڭگەگە تولىقتى، بۇل - وتكەن جىلعى ۇقساس كەزەڭىمەن سالىستىرعاندا پايىز21,4 نەمەسە 998,0 ميلليارد تەڭگەگە ارتىق، دەپ حابارلايدى قازاقپارات مەملەكەتتىك كىرىستەر كوميتەتىنە سىلتەمە جاساپ.

اتاپ ايتقاندا، كوميتەت اقپاراتى كەلەسىدەي:

- رەسپۋبليكالىق بيۋجەتكە 3176,7 ميلليارد تەڭگە ءتۇستى، 2022-جىلعى ۇقساس كەزەڭمەن سالىستىرعاندا 23,2 پايىز نەمەسە 599,1 ميلليارد تەڭگەگە ءوستى.

- جەرگىلىكتى بيۋدجەتكە 1293,6 ميلليارد تەڭگە ءتۇستى، 2022-جىلعى ۇقساس كەزەڭمەن سالىستىرعاندا 24,2 پايىز نەمەسە 252,0 ميلليارد تەڭگەگە ءوستى.

- ۇلتتىق قورعا 1197,1 ميلليارد تەڭگە ءتۇستى، 2022-جىلعى ۇقساس كەزەڭمەن سالىستىرعاندا 14,0 پايىز نەمەسە 146,9 ميلليارد تەڭگەگە ءوستى.

2022-جىلدىڭ ۇقساس كەزەڭمەن سالىستىرعاندا رەسپۋبليكالىق بيۋجەتكە تۇسىمدەردىڭ ءۇشىنشى ەلدەردەن يمپورتقا ق ق س بويىنشا 2 ەسە، ىشكى ءوندىرىس تاۋارلارىنا ق ق س 21,2 پايىزعا، كورپوراتيۆتى تابىس سالىعى 20,7 پايىزعا جانە ە ا ە و ەلدەرىنەن يمپورتقا ق ق س 2,0 پايىزعا ءوسۋى بايقالادى.

تۇسىمدەردىڭ وسۋىنە اسەر ەتكەن فاكتورلار بار. ماسەلەن، 2023-جىلى I توقساندا بىلتىرعى جىلدىڭ ۇقساس كەزەڭىمەن سالىستىرعاندا التىنعا 0,8 پايىز باعانىڭ ءوسۋى بايقالادى. ءۇشىنشى ەلدەرمەن تاۋار اينالىمى 2023-جىلعى I توقساندا 13,9 پايىزعا ءوستى (ەكسپورت 6,7 پايىزعا تومەندەدى، يمپورت 1,8 ەسە ءوستى). سونداي-اق، ە ش ف تاۋار اينالىمى 8,8 تريلليون تەڭگەگە نەمەسە 27,7 پايىزعا ءوستى.