15:46, 15 - اقپان 2023 | GMT +5
جاڭا زەلانديادا 5,7 بالدىق جەر سىلكىنىسى بولدى
استانا. قازاقپارات - ءبىر كۇن بۇرىن جاڭا زەلانديا ەلدە بولعان «گابريەل» سيكلونىنا بايلانىستى ءوز تاريحىندا ءۇشىنشى رەت توتەنشە جاعداي جاريالادى. بۇل تۋرالى قازاقپارات ر ب ك اگەنتتىگىنە سىلتەمە جاساپ حابارلايدى.
ا ق ش گەولوگيالىق قىزمەتى (USGS) مەن ەۋروپالىق جەرورتا تەڭىزى سەيسمولوگيالىق ورتالىعىنىڭ (EMSC) مالىمەتىنشە، جاڭا زەلانديا جاعالاۋىندا ماگنيتۋداسى 5,7 بالدىق جەر سىلكىنىسى بولدى.
جەراستى دۇمپۋلەرى جاڭا زەلانديانىڭ سولتۇستىك جانە وڭتۇستىك ارالدارىن ءبولىپ تۇرعان كۋك بۇعازىنىڭ سۋلارىندا تىركەلدى. ءزىلزالا وشاعى ۆەللينگتون ايماعىنداعى لوۋەر حاتت قالاسىنان سولتۇستىك- باتىسقا قاراي 79 ك م جەردە، 74 ك م تەرەڭدىكتە بولعان.
جاڭا زەلانديانىڭ Geonet قىزمەتى جەر سىلكىنىسىنىڭ ماگنيتۋداسىن 6,1 دەپ باعالادى. سۋنامي قاۋپى، زارداپ شەككەندەر مەن قيراۋلار تۋرالى حابارلانعان جوق.
