بيىل قازاقستان 5,7 تريلليون تەڭگە قارىز الادى
«بيۋجەت تاپشىلىعىن جابۋ مەن مەملەكەتتىك قارىزعا قىزمەت كورسەتۋ ءۇشىن قاراجات تارتۋ دا ماڭىزدى ماسەلە. بيىل بيۋجەت تاپشىلىعىنىڭ ج ءى ءو- گە قاتىناسى %2,7 نەمەسە 3,2 تريلليون تەڭگە بولدى.
بۇرىن تارتىلعان قارىزداردى وتەۋ قاجەتتىلىگىن ەسكەرسەك، قارىز الۋ قاجەتتىلىگى 5,7 تريلليون تەڭگەنى قۇرايدى. بۇل قوماقتى سوما»، - دەدى ءاليحان سمايىلوۆ.
ۇكىمەت باسشىسى بۇل باعىتتاعى قارىزدىڭ نەگىزگى بولىگى تەڭگەمەن جانە ىشكى نارىقتان الىنۋى كەرەكتىگىن ەسكەرتتى.
«تاپشىلىقتى نەگىزىنەن ۇلتتىق ۆاليۋتاداعى ىشكى قارىز الۋ ارقىلى قارجىلاندىرۋ قاجەت. وسىلايشا ءبىز ۆاليۋتالىق تاۋەكەلدەردى تەڭەستىرەمىز جانە ىشكى نارىقتى دامىتامىز.
وسىعان قاراماستان، بيۋدجەت تاپشىلىعىن قارجىلاندىرۋ ءۇشىن قاراجات تارتۋدىڭ بارلىق الەۋەتىن، ونىڭ ىشىندە سىرتقى نارىقتارعا شىعۋدى پايدالانۋ قاجەت.
وسى باعىتتاعى جۇمىس بيۋجەتتى اتقارۋ كەزىندە كاسسالىق الشاقتىقتار بولمايتىنداي، ال بارلىق بورىشتىق ينديكاتورلار قاۋىپسىز دەڭگەيدە بولاتىنداي ەتىپ قۇرىلۋى ءتيىس»، - دەدى پرەمەر- مينيستر.