وتكەن 5 ايدا قازاقستاننىڭ ۇن ەكسپورتى 765,4 مىڭ تونناعا ءوستى

بۇل 2013 - جىلدىڭ ءدال وسى كەزەڭىمەن سالىستىرعاندا ەكسپورت مولشەرى جاعىنان 25,1 پايىزعا جانە باعاسى جاعىنان 11,3 پايىزعا ارتىق. بۇل تۋرالى ق ر قارجى مينيسترلىگىنىڭ كەدەندىك باقىلاۋ كوميتەتىنەن حابارلاندى.
اتاپ ايتقاندا، قازاقستاننان ۇننىڭ ءىرى ەكسپورتىن الۋشى ەلدەر اراسىندا وزبەكستانعا 94,9 ميلليون دوللاردى قۇرايتىن 376,7 مىڭ توننا ۇن جونەلتىلگەن. بۇنداعى ءوسىم بىلتىرعى جىلمەن سالىستىرعاندا 3,8 پايىز جوعارى. سونىمەن قاتار، اۋعانستان وتكەن 5 ايدىڭ ىشىندە قازاقستاننان 265,9 مىڭ توننا ۇندى 88,5 ميلليون دوللارعا ەكسپورتتاپ وتىر.
بۇدان بولەك، تاجىكستانعا - 73,4 مىڭ توننا، قىرعىزستانعا 25,4 مىڭ توننا، تۇركىمەنستانعا 21,7 مىڭ توننا ۇن ەكسپورتتالعان.
قازاقستاندىق ۇندى شاعىن پارتيامەن ساتىپ العاندار اراسىندا موڭعوليا - 1490 توننا، مولدوۆا - 440 توننا، ازەربايجان - 136 توننا، قىتاي - 82,6 توننا، گرۋزيا - 68 توننا جانە نيدەرلاندى مەن بىرىككەن اراب امىرلكتەرى 20 توننادان الىپ وتىر.
اۆتور: قانات مامەتقازى ۇلى