ماۋسىم- شىلدە ايلارىندا استانا، الماتى جانە ەلىمىزدىڭ 5 وڭىرىندە 740 ارەندالىق پاتەر بەرىلەدى - ق. بيشىمبايەۆ

 استانا. قازاقپارات - اعىمداعى جىلدىڭ ناۋرىز ايىندا مەملەكەت باسشىسى نۇرسۇلتان نازاربايەۆتىڭ «نۇرلى جول - بولاشاققا باستار جول» اتتى قازاقستان حالقىنا جولداۋىنان باستاۋ العان الەۋمەتتىك ارەندالىق باسپانا باعدارلاماسىنا قاتىسۋشىلار اراسىندا استانا، الماتى، قوستاناي، سەمەي جانە كوكشەتاۋ قالالارىندا 1357 ارەندالىق پاتەردى ءبولۋ باستالدى.

تولىقتاي العاندا، اتالعان پاتەرلەر بويىنشا 2330 جولداما بەرىلىپ، 1444 قاتىسۋشى تولەم قابىلەتىن راستادى جانە جەرگىلىكتى اتقارۋشى ورگانداردىڭ تۇرعىن ءۇي كوميسسياسى 1181 قاتىسۋشىنىڭ تولەم قابىلەتىن قۋاتتادى.

بۇل تۋرالى بۇگىن «نۇر وتان» پارتياسى فراكتسياسى كوميسسياسىنىڭ بيۋدجەت قارجىسىن ءتيىمدى پايدالانۋ ماسەلەسىنە ارنالعان وتىرىسىندا اتالعان حولدينگتىڭ باسقارما ءتوراعاسى قۋاندىق بيشىمبايەۆ ءمالىم ەتتى.

حولدينگ باسپا ءسوز قىزمەتى تاراتقان اقپاراتقا سايكەس، ءساۋىر- مامىر ايىندا قوسىمشا شىمكەنت، اقتوبە، پاۆلودار قالالارىندا 1122 پاتەردى ءبولۋ باستالدى. قازىرگى ساتتە جەرگىلىكتى اتقارۋشى ورگانداردان 660 جولداما بەرىلىپ، 423 قاتىسۋشى تولەم قابىلەتى بار ەكەندىگىن دالەلدەدى جانە جەرگىلىكتى اتقارۋشى ورگانداردىڭ تۇرعىن ءۇي كوميسسياسى 95 ادامنىڭ تولەم قابىلەتىن راستادى.

«ماۋسىم- شىلدە ايلارىندا استانا، الماتى، تاراز، اقتوبە، قوستاناي، پاۆلودار جانە الماتى وبلىسىندا 740 پاتەردى ءبولۋ باستالادى»، - دەدى حولدينگ باسشىسى ق. بيشىمبايەۆ.

 اۆتور: مارلان جيەمباي