قازاقستاندىقتاردىڭ نەسيەلىك قارىزى 5,6 تريلليون تەڭگەگە جەتتى

استانا. قازاقپارات - قازاقستاندىقتاردىڭ نەسيە بويىنشا قارىزى 5,6 تريلليون تەڭگەنى قۇرادى، دەپ حابارلايدى قازاقپارات ranking.kz سايتىنا سىلتەمە جاساپ.

«2018-جىلدىڭ ماۋسىم ايىنىڭ سوڭىندا جەكە تۇلعالارعا بەرىلگەن نەسيەلەر بويىنشا (ەكىنشى دەڭگەيلى بانكتەردە، ميكروقارجى ۇيىمدارىندا، ونلاين جانە ت. ب.) جالپى نەسيە قارىزى 5,6 تريلليون تەڭگەنى قۇرادى»، - دەلىنگەن زەرتتەۋدە.

بۇل سوما وتكەن ايمەن سالىستىرعاندا %2,3 كوبىرەك. بولشەك قارىزداردىڭ جارتىسىنان استامى - كەپىلسىز تۇتىنۋشىلىق نەسيەلەر. ولاردىڭ ۇلەسى ءبىر ايدا %51,3  تەن %51,7  كە دەيىن وسكەن.

ماۋسىم ايىندا بولشەك نەسيەلەردى بەرۋ قۇرىلىمىندا ونلاين-كومپانيالاردىڭ ۇلەسى تەك %2 قۇرادى. بۇل - بيىلعى جىلدىڭ ەڭ تومەنگى كورسەتكىشى. 2018-جىلدىڭ العاشقى جارتىسىنداعى ەڭ جوعارى كورسەتكىش ناۋرىز ايىندا (%4,1) بايقالعان.