اكەلى-بالالى ماتايەۆتار ءبىرى 5، ءبىرى 6 جىلعا باس بوستاندىعىنان ايىرىلدى

استانا. قازاقپارات - مەملەكەت بيۋدجەتىنەن ءىرى كولەمدە اقشا جىمقىردى جانە 300 ميلليون تەڭگە سالىقتى تولەۋدەن جالتاردى، دەپ ايىپتالعان سەيىتقازى ماتايەۆ 6 جىلعا باس بوستاندىعىنان ايىرىلدى.

الداعى 6 جىلىن ەندى ول جالپى رەجيمدەگى كولونيادا وتكىزەدى. ال، ونىڭ بالاسى اسەت ماتايەۆ 5 جىلعا باس بوستاندىعىنان ايىرىلدى.

استاناداعى ەسىل اۋداندىق №2 -سوتىندا قازاقستان جۋرناليستەر وداعىنىڭ باسقارما ءتوراعاسى، ۇلتتىق باسپا ءسوز كلۋبىنىڭ پرەزيدەنتى سەيىتقازى ماتايەۆقا قاتىستى سوت ءىسى اياقتالدى. سەيىتقازى ماتايەۆ پەن ونىڭ بالاسى، «كازتاگ» ح ا ا باس ديرەكتورى اسەت ماتايەۆ ءوزارا سىبايلاسا وتىرىپ، 300 ميلليون تەڭگە جىمقىردى دەپ ايىپتالعان بولاتىن. بۇعان قوسا، تەرگەۋ شارالارى سەيىتقازى ماتايەۆتىڭ 327 ميلليون تەڭگە كولەمىندەگى سالىقتان جالتارىپ جۇرگەنىن انىقتاعان بولاتىن»، - دەپ جازادى BNews.kz.

سەيىتقازى ماتايەۆ ق ر ق ك 177 -بابىنىڭ 4 -ءبولىمىنىڭ ب تارماعى بويىنشا جانە ق ر ق ك 245 -بابىنىڭ 3 -ءبولىمىنىڭ، 190 -بابى، 4 -ءبولىمىنىڭ 2 -تارماعى بويىنشا كىنالى دەپ تانىلدى. ونىڭ دۇنيە- مۇلكى تاركىلەنىپ، 6 جىلعا باس بوستاندىعىنان ايىرۋ تۋرالى جازا تاعايىندالدى. ەندى ول 6 جىل ءومىرىن جالپى رەجيمدەگى كولونيادا وتكىزەدى جانە ءومىر بويىنا مەملەكەتتىك جانە كوممەرتسيالىق ۇيىمدارداعى ۇيىمداستىرۋمەن جانە ماتەريالدىق جاۋاپكەرشىلىكپەن بايلانىستى باسشىلىق قىزمەتتەردى اتقارا المايدى.

اسەت ماتايەۆ تا ق ر ق ك 194 -بابى، 4 -ءبولىمى، 190 -باپتىڭ 4 -تارماعىندا كورسەتىلگەن قىلمىستار بويىنشا كىنالى دەپ تانىلدى. اتالعان باپتار نەگىزىندە «كازتاگ» ح ا ا بۇرىنعى باسشىسىنىڭ دۇنيە- مۇلكى تاركىلەنە وتىرىپ، 5 جىلعا باس بوستاندىعىنان ايىرىلدى. 5 جىلدىق جازاسىن ول جالپى رەجيمدەگى كولونيادا وتكىزەدى جانە وعان دا مەملەكەتتىك جانە كوممەرتسيالىق ۇيىمداردا ۇيىمداستىرۋمەن جانە ماتەريالدىق جاۋاپكەرشىلىكپەن بايلانىستى باسشىلىق قىزمەتتەردى اتقارۋعا تىيىم سالىنادى.

 «اقپارات جانە كوممۋنيكاتسيالار مينيسترلىگىنىڭ ازاماتتىق تالابى قاناعاتتاندىرىلىپ، سەيىتقازى ماتايەۆ پەن اسەت ماتايەۆتان مينيسترلىكتىڭ پايداسىنا 169 ميلليون تەڭگە ءوندىرىلسىن. 5 ميلليون 70 مىڭ تەڭگە كولەمىندەگى تولەم مەملەكەتتىڭ پايداسىنا شەشىلسىن. «قازاقتەلەكوم» اق ازاماتتىق تالابى قاناعاتتاندىرىلىپ، سەيىتقازى ماتايەۆتان اكسيونەرلىك قوعامنىڭ پايداسىنا 143 ميلليون 963 مىڭ تەڭگە ءوندىرىلىپ بەرىلسىن.

4,318 ميلليون تەڭگە كولەمىندەگى مەملەكەتتىك تولەم مەملەكەتتىڭ پايداسىنا شەشىلسىن. پروكۋروردىڭ ازاماتتىق تالابى قاناعاتتاندىرىلىپ، سەيىتقازى ماتايەۆتان 2011-2015 -جىلدار ارالىعىندا تولەنبەي جۇرگەن 216 ميلليون 952 مىڭ تەڭگە كولەمىندەگى سالىعى ءوندىرىلىپ، مەملەكەتتىڭ پايداسىنا شەشىلسىن»، - دەگەن شەشىم شىعاردى سۋديا اقبولات قۇرمانتايەۆ.