قازاقستاندىقتار ءۇش ايدا 5,5 ميلليارد تەڭگەگە ءتىسىن ەمدەتكەن

استانا. قازاقپارات - قازاقستاندا بىلتىرعى جىلدىڭ ءۇشىنشى توقسانىندا ستوماتولوگتار 5,5 ميلليارد تەڭگەگە قىزمەت كورسەتتى، دەپ حابارلايدى قازاقپارات ۇلتتىق ستاتيستيكا بيۋروسىنا سىلتەمە جاساپ.

2022-جىلدىڭ ءۇشىنشى توقسانىندا ەلىمىزدىڭ ءتىس دارىگەرلەرى 32 ميلليارد تەڭگەدەن استام سوماعا قىزمەت كورسەتتى. قىزمەتتەردىڭ نەگىزگى كولەمى، ياعني 5,5 ميلليارد تەڭگەدەن استامى بيۋجەت قاراجاتى ەسەبىنەن، 23 ميللياردى حالىقتىڭ ءوز اقشاسى ەسەبىنەن جانە 3,3 ميللياردتان استامى كاسىپورىنداردىڭ قاراجاتى ەسەبىنەن ورىندالدى.

وڭىرلىك تۇرعىدا قىزمەتتىڭ ەڭ كوپ كولەمى الماتى قالاسىندا كورسەتىلدى - 8,7 ميلليارد تەڭگەگە. العاشقى ۇشتىككە سونداي-اق ەلوردا (7,1 ميلليارد تەڭگە) مەن شىعىس قازاقستان وبلىسى (1,3 ميلليارد تەڭگە) ەندى. ەڭ از قىزمەت تۇركىستان وبلىسىندا كورسەتىلگەن - 336508 مىڭ تەڭگە.