ەلوردادا كوروناۆيرۋستىڭ بالالار اراسىندا تاراۋى 5,5 ەسەگە وسكەن
بۇل تۋرالى قالالىق سانيتارلىق- ەپيدەميولوگيالىق باقىلاۋ دەپارتامەنتىنىڭ باسشىسى سارقىت بەيسەنوۆا ءمالىم ەتتى، دەپ حابارلايدى قازاقپارات ءتىلشىسى.
«شىلدە دە كوروناۆيرۋس دەرتىنە شالدىعۋدىڭ 38046 جاعدايى تىركەلدى. سوڭعى اپتا ىشىندە 9803 جانە سوڭعى تاۋلىك ىشىندە 1153 جاعداي تىركەلىپ وتىر. سوڭعى ۋاقىتتا كلينيكالىق بەلگىلەرى بار سىرقاتتانۋشىلار سانىنىڭ وسكەنى بايقالادى، بۇگىندە ولار 83 پايىزدى قۇراپ وتىر»، - دەدى سارقىت بەيسەنوۆا و ك ق- دە ونلاين وتكەن باسپا ءسوز ءماسليحاتىندا.
سونداي- اق، مامان ەلوردا بويىنشا اۋرۋعا شالدىققانداردىڭ جاس ەرەكشەلىگىن پايىزبەن كورسەتتى.
«18-29 جاس -%16,4 ، 30-39 جاس-%22,2، 40-59 جاس -%28,4، 60 جانە ودان جوعارى جاستاعىلار %13 دى قۇرايدى. سونىمەن قاتار بالالاردىڭ ۇلەسى %16,7 جانە %3,3 ءجاسوسپىرىم. 14 جاسقا دەيىنگى بالالار اراسىندا ۆيرۋس جۇقتىرۋعا قاتىستى تالداۋ ناتيجەسى ناۋرىز ايىنان بەرى ەلوردادا بالالار اراسىندا كوروناۆيرۋس جۇقتىرۋدىڭ 5,5 ەسەگە وسكەنىن كورسەتىپ وتىر. ياعني ناۋرىز ايىندا بالالار اراسىندا 1106 جاعداي تىركەلسە، شىلدە دە 6058 جاعداي تىركەلىپ وتىر جانە ۆيرۋس جۇقتىرۋ بارلىق جاستاعى بالالار اراسىندا بار. اۋرۋحانادا ەم الىپ جاتقان بالالار%1,9 - دى قۇراپ وتىر»، - دەيدى ول.
بۇعان دەيىن ەلوردادا كوروناۆيرۋسپەن كۇرەسىپ جاتقان 7 بالانىڭ جاعدايى اۋىر ەكەنىن حابارلاعان بولاتىنبىز.
