قازاقستاندا «ەلەكتروندىق ۇكىمەتتى» پايدالانۋشىلار سانى 5,5 ميلليوننان استى
«بۇگىن مەملەكەتتىك كورسەتىلەتىن قىزمەتتەر تىزىلىمىندە 739 اتاۋ بار، ولاردىڭ 530 ىن ەلەكتروندىق ۇكىمەت پورتالى جانە مەملەكەتتىك كورپوراتسيا ارقىلى الۋعا بولادى. وسى جىلى ۆەدومستۆوارالىق كوميسسيا وتىرىستارىندا قاعاز تۇرىندە كورسەتىلەتىن 209 مەملەكەتتىك قىزمەت قارالىپ، ولاردىڭ 53 ءى «ازاماتتارعا ارنالعان ۇكىمەتكە» بەرىلدى»، - دەدى مينيستر.
سونىمەن بىرگە ول قالعان 156 قىزمەت ءوتىنىش يەسىنىڭ ءوزىنىڭ قاتىسۋىن تالاپ ەتەتىندىكتەن، ولاردى كوشىرۋ ءالى ورىنسىز ەكەندىگىن اتاپ ءوتتى. مىسالى، مەديتسينالىق انىقتامالاردى، شەكارا جولاعىنان شىعۋ جانە كەلۋ رۇقساتنامالارىن بەرۋ، ق ر ازاماتتارىن شەتەلدە ەسەپكە الۋ كەزىندە ت. ب. الايدا، كوميسسيانىڭ مەملەكەتتىك كورسەتىلەتىن قىزمەتتەردى ەلەكتروندىق نىسانعا كوشىرۋ بويىنشا جۇمىسى جالعاساتىن بولادى. وسىلايشا، جىلدىڭ اياعىنا دەيىن بارلىق مەملەكەتتىك كورسەتىلەتىن قىزمەتتەردىڭ %80 «ەلەكتروندىق ۇكىمەت» جانە مەملەكەتتىك كورپوراتسيا ارقىلى ۇسىنىلاتىن بولادى.
سونداي-اق، د. ابايەۆ قازاقستاندا «ەلەكتروندىق ۇكىمەتتىڭ» ينفراقۇرىلىمى تولىعىمەن جاساقتالعانىن حابارلادى. پورتالدى پايدالانۋشىلار سانى 5,5 ميلليوننان استام ادامدى نەمەسە قازاقستاننىڭ %61 ەكونوميكالىق تۇرعىدان بەلسەندى تۇرعىندارىن قۇرايدى. پورتال ارقىلى 147 ميلليوننان استام ەلەكتروندىق قىزمەت كورسەتىلگەن، ترانزاكتسيانىڭ جالپى سوماسى 23 جارىم ميلليارد تەڭگەنى قۇرادى. نەگىزىنەن بۇلار - ايىپپۇلدار مەن سالىق تولەمدەرى.
«ازاماتتار ۇيلەرىنەن شىقپاي، نەكەگە تۇرۋ، بالانىڭ تۋۋى جونىندەگى جاردەماقى، بالا باقشاعا كەزەككە قويۋ سياقتى ت. ب. قىزمەتتەردى الا الادى. ەلەكتروندىق قىزمەتتەر موبيلدى قوسىمشادا دا قولجەتىمدى. كەيبىر انىقتاما تۇرلەرىن سمارتفون ارقىلى الۋعا بولادى»، - دەپ اتاپ ءوتتى مينيستر.
بايانداماداعى تارماقتارىنىڭ ءبىرى مەملەكەت باسشىسىنىڭ تاپسىرماسى بويىنشا قۇرىلعان وزىنە حالىققا قىزمەت كورسەتۋ ورتالىقتارىن، جىلجىمايتىن مۇلىك جونىندەگى ورتالىقتارىن، زەينەتاقى تولەۋ جونىندەگى مەملەكەتتىك ورتالىقتارىن، جەر كاداسترىنىڭ عىلىمي-وندىرىستىك ورتالىقتارىن بىرىكتىرگەن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ جۇمىسى جونىندە بولدى.
جۇرگىزىلگەن وڭتايلاندىرۋ ناتيجەسىندە مەملەكەتتىك كورپوراتسيانىڭ فرونت-وفيستەرىنىڭ سانى 270 تەن 353 كە دەيىن ءوسىپ، باسقارۋشىلىق قىزمەتكەرلەر سانى %47,7 قىسقاردى، 126 عيمارات وڭتايلاندىرىلدى. مەملەكەتتىك كورپوراتسيا ارقىلى 25 ميلليوننان استام قىزمەت كورسەتىلدى.
كەدەرگىسىز ورتانى قامتاماسىز ەتۋ ءۇشىن «ازاماتتارعا ارنالعان ۇكىمەت» مۇمكىندىگى شەكتەۋلى ادامدارعا قىزمەت كورسەتۋ ءۇشىن قىزمەتكەرلەردىڭ بارىپ قىزمەت كورسەتۋىن ىسكە اسىرۋدا. سونداي-اق مەملەكەتتىك كورپوراتسياعا مۇمكىندىگى شەكتەۋلى 376 ادام جۇمىسقا ورنالاستى، يشارامەن سويلەۋ بويىنشا 703 قىزمەتكەر وقىتىلدى. مۇنداي پراكتيكا جالعاساتىن بولادى: مەملەكەتتىك كورپوراتسيا جىل سايىن كەم دەگەندە 10 مۇمكىندىگى شەكتەۋلى ادامدى جۇمىسقا قابىلداۋدى جوسپارلاپ وتىر.
مينيستر مامانداندىرىلعان ح ق ك و جۇمىسى بويىنشا قازىرگى ۋاقىتتا 488 مىڭعا جۋىق جۇرگىزۋشى كۋالىگى بەرىلگەنىن حابارلادى. كولىك قۇرالدارىن تىركەۋ جانە اگرەگاتتاردى ءبىر ۋاقىتتا سالىستىرىپ تەكسەرۋمەن مەملەكەتتىك نومىرلەرىن بەرۋ پروتسەسى وڭتايلاندىرىلدى. 1,9 ميلليارد تەڭگەگە 6 مىڭعا جۋىق سۇرانىسى جوعارى نومىرلەر بەرىلدى. حالىققا ىڭعايلى بولۋى ءۇشىن مامانداندىرىلعان ح ق ك و- دا مەديتسينالىق قىزمەتكەرلەردىڭ قىزمەتى (دارىگەر كوميسسياسى، ناركولوگ، پسيحياتور) قامتاماسىز ەتىلگەن.
ءمينيستردىڭ سوزىنشە، جوعارىدا اتالعان بارلىق جۇمىس جاڭا «سيفرلىق قازاقستان» مەملەكەتتىك باعدارلاماسىن ىسكە اسىرۋ شەڭبەرىندە جالعاساتىن بولادى، دەپ حابارلايدى ق ر اقپارات جانە كوممۋنيكاتسيالار مينيسترلىگىنىڭ باسپا ءسوز قىزمەتى.
