امەريكالىق ازامات ءبىر كۇندە لوتەرەيادان 5 ميلليون، 500 جانە 100 دوللار ۇتتى

استانا. قازاقپارات - نيۋ- دجەرسي شتاتىنىڭ تۇرعىنى روبەرت ستيۋارت ءبىر كۇندە 5 ميلليون دوللار كولەمىندە دجەكپوت، ودان كەيىن لوتەرەيادان تاعى 500 جانە 100 دوللار ۇتقان.

بۇل تۋرالى سەيسەنبى كۇنى UPI اگەنتتىگى حابارلادى.

امەريكالىق ازامات بىردەن بىرنەشە لوتەرەيا بيلەتىن ساتىپ الىپ، دۇكەندە جۇرگەندە- اق 5 ميلليون دوللار ۇتقانىن انىقتاعانىن ايتتى. ول بيلەتىن قايتا تەكسەرۋ ءۇشىن لوتەرەيا قىزمەتكەرىنە بارعان. ولار اياق استىنان بايلىققا كەنەلگەن ستيۋارتتى قۇتتىقتادى. ءبىر قىزىعى، بۇدان كەيىن ول تاعى ەكى بيلەت ساتىپ العان، ولار دا جۇلدەلى بولىپ شىقتى - بىرەۋى 500 دوللار، ەكىنشىسى - 100 دوللار ۇتىس اكەلدى.

ەسكە سالا كەتسەك، ا ق ش تاريحىندا رەكوردتىق دجەكپوت (1,59 ميلليارد دوللار) 2016 -جىلدىڭ قاڭتارىندا Powerball-دا ويناتىلعان. وندا سىيلىق ءۇش جۇلدەلى بيلەتتىڭ يەلەرى اراسىندا ءبولىندى. بۇل بيلەتتەر تەننەسي، كاليفورنيا جانە فلوريدا شتاتتارىندا ساتىلعان.