ا. مۇحامەدي ۇلى: سوڭعى 5 جىلدا قازاق فيلمدەرى كورەرمەندەرىنىڭ سانى 400 ەسەگە ارتتى

 استانا. قازاقپارات - سوڭعى 5 جىلدا قازاق فيلمدەرى كورەرمەندەرىنىڭ سانى 400 ەسەگە ارتتى. بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە مادەنيەت ءمينيسترى ارىستانبەك مۇحامەدي ۇلى ءمالىم ەتتى.

 «سوڭعى 5 جىلدىڭ ىشىندە كينوتەاترلاردا كورسەتىلەتىن قازاق فيلمدەرىنىڭ كورەرمەندەرى سانى 400 ەسەگە ارتتى. بۇل، ارينە، ءبىزدىڭ ونەر تۋىندىلارىمىزعا دەگەن قىزىعۋشىلىقتىڭ ارتىپ كەلە جاتقاندىعىن پاش ەتەدى» ، - دەدى ول.

 ونىڭ اتاپ وتۋىنشە، بۇگىنگى تاڭدا وتاندىق كينولاردىڭ ساپاسى ارتىپ، ءا. ەرجانوۆ، ش. ورازبايەۆا، ا. ساتايەۆ سىندى دارىندى رەجيسسەرلەردىڭ تۋىندىلارى حالىقارالىق بايقاۋلاردا دا كورسەتىلۋدە.

«ماسەلەن ا. ساتايەۆ فيلوسوفيالىق رەجيسسەر. ونىڭ «اداسقاندار» فيلمى كينو مايتالماندارى تارابىنان وتە ءساتتى، فيلوسوفيالىق تۋىندى دەگەن باعاسىن العان بولاتىن. بۇل تۇرعىدا ە. تۇرسىنوۆ تا وتە جەمىستى جۇمىس ىستەۋدە» ، - دەدى مينيستر.

اۆتور: مارلان جيەمباي