قازاقستانداعى تۇرمەدەگىلەر سانى سوڭعى 5 جىلدا 30 پايىزعا ازايدى
كۇن تارتىبىندەگى نەگىزگى سۇراق ق ر ءى ءى م قىلمىستىق اتقارۋ جۇيەسىنىڭ اعىمداعى جىلدىڭ 9 ايىندا اتقارعان جۇمىستارىن تالقىلاپ، بولاشاق مىندەتتەردى ءسوز ەتتى.
«قىلمىستىق زاڭنامانى ىزگىلەندىرۋ جانە سوتتىڭ ادامنىڭ باس بوستاندىعىن شەكتەمەي جازا قولدانۋىنىڭ ناتيجەسىندە باس بوستاندىعىنان ايىرۋ ورىندارىنداعى ادامدار سانى ازايىپ كەلەدى. ماسەلەن، اعىمداعى جىلى ولاردىڭ سانى 17 پايىزعا، ال سوڭعى 5 جىلدا 30 پايىزدان پايىزدان استام قىسقاردى»، - دەلىنگەن ءى ءى م باسپا ءسوز قىزمەتى تاراتقان اقپاراتتاردا.
قازىرگى ۋاقىتتا ىشكى ىستەر ورگاندارىنىڭ پروباتسيالىق باقىلاۋىندا شامامەن 22,5 مىڭ ادام ەسەپتە تۇر (2015 ج. -12,3). ولارعا ارناپ 30797 جەكە باعدارلاما قۇرىلدى. ونىڭ ناتيجەسىندە 4 مىڭ سوتتالعان جۇمىسقا تۇرىپ، 10108 سوتتالعانعا مەديتسينالىق كومەك كورسەتىلدى، 188 ى ءبىلىم الدى. پروباتسيا قىزمەتىندە ەسەپتە تۇراتىن ادامداردىڭ قايتالاپ قىلمىس جاساۋى 7 پايىزعا تومەندەدى.
ءى ءى م «ەلەكتروندىق باقىلاۋ جۇيەسىن قۇرۋ» مەملەكەتتىك- جەكە مەنشىك سەرىكتەستىگى تۇجىرىمداماسىن ازىرلەدى، ول سوتتالعانداردىڭ تۇرعان جەرى مەن ولاردىڭ ءىس- ارەكەتتەرىن باقىلاۋعا مونيتورينگ جۇرگىزەدى.
قازىرگى ۋاقىتتا ەلىمىزدىڭ پارلامەنت دەپۋتاتتارى «پروباتسيا تۋرالى»، «ق ر كەيبىر زاڭنامالىق اكتىلەرىنە تولىقتىرۋلار مەن وزگەرتۋلەر ەنگىزۋ تۋرالى» زاڭ جوباسى قاراستىرۋدا.
قىلمىستىق- اتقارۋ جۇيەسى مەكەمەلەرىندە 104 وقۋ ورنى بار. اعىمداعى وقۋ جىلىندا 1,2 مىڭنان استام سوتتالعان اتتەستات پەن ورتا ءبىلىم الۋ تۋرالى كۋالىك الدى. 3 مىڭعا جۋىق ادام ءارتۇرلى جۇمىسشى ماماندىقتارى بويىنشا وقىتىلدى.
القا ءماجىلىسى بارىسىندا سوتتالعانداردىڭ جۇمىسپەن قامتىلۋىنىڭ ارتقاندىعى تۋرالى اتالىپ ءوتتى. تىگىن ونىمدەرى، قۇرىلىس دۇكەندەرى، مەتالل جانە اعاش وڭدەۋ، اۋىل شارۋاشىلىعىنا ارنالعان، ازىق تۇلىك جانە مال شارۋاشىلىعى ونىمدەرى جولعا قويىلدى. اعىمداعى جىلى 5 جاڭا ءوندىرىس ءتۇرى يگەرىلدى.
القا ءماجىلىسىنىڭ قورىتىندىسى بويىنشا مينيسترلىكتىڭ ورتالىق اپپاراتى جانە وڭىرلىك دەپارتامەنتتەردىڭ قىزمەت باسشىلارىنا قاراستىرىلىپ وتىرعان ماسەلەلەر بويىنشا ناقتى تاپسىرمالار بەرىلدى.
