سوڭعى 5 جىلدا ماشينا جاساۋ سالاسىنا 1 ميلليارد ەۋرودان استام ينۆەستيتسيا تارتىلدى - اسەت يسەكەشيەۆ

استانا. قازاقپارات - سوڭعى 5 جىلدا ماشينا جاساۋ سالاسىنا 1 ميلليارد ەۋرودان استام ينۆەستيتسيا تارتىلدى. بۇل تۋرالى بۇگىن ءوتىپ جاتقان ІІ قازاقستان ماشينا جاساۋشىلار فورۋمىندا ق ر ينۆەستيتسيالار جانە دامۋ ءمينيسترى اسەت يسەكەشەۆ ايتتى.

«بەس جىل ىشىندە ماشينا جاساۋ سالاسىنىڭ ءوندىرىسى 3 ەسە ۇلعايدى. دەگەنمەن الدا ءالى قىرۋار جۇمىس بار. سالانىڭ نەگىزگى كاپيتالىنا تارتىلعان ينۆەستيتسيا كولەمى دە ۇلعايدى.

 ەگەر 2008 - جىلى ينۆەستيتسيا كولەمى شامامەن 10 ميلليارد تەڭگە بولسا، بىلتىر بۇل كورسەتكىش 48 ميلليارد تەڭگەگە جەتتى. بۇل بۇعان دەيىنگى 4 جىلدا تارتىلعان ينۆەستيتسيادان ءۇش جارىم ەسە كوپ. سونىمەن قاتار، وندىرىلەتىن ءونىمنىڭ نومەنكلاتۋراسى دا كەڭەيدى. ەگەر 2008 - جىلى ەلىمىزدەگى ماشينا جاساۋ وندىرىسىندە ءۇش نەگىزگى سالا بولعان بولسا، 2012 -جىلى 6 سەگمەنت جۇمىس جاساپ تۇردى. بۇرىن سوڭدى شىعارىلماعان جاڭا تاۋارلار دا شىعارىلا باستادى»، - دەپ اتاپ ءوتتى ءا. يسەكەشەۆ.

ونىڭ ايتۋىنشا، سوڭعى ءتورت جىلدا اتالعان سالاعا 70 جوبا ەنگىزىلدى. جەكە ينۆەستيتسيالار كولەمى دە بۇرىن سوڭدى بولماعان دەڭگەيگە كوتەرىلدى.

«اسىرەسە ماڭىزدىسى، قارجىلاي ينۆەستيتسيا عانا ەمەس، تەحنولوگيالىق ينۆەستيتسيالار دا قۇيىلدى. ماسەلەن «GeneralElectric», «Alstom», «Toyota», «Siemens» جانە باسقا دا كوپتەگەن ءىرى كومپانيالار ەلىمىزگە كەلە باستادى» ، - دەدى ول.

ونىڭ ايتۋىنشا، وسى شارالاردىڭ ناتيجەسىندە كوپتەگەن جاڭا شاعىن سالالار پايدا بولدى.

 «ءبىرىنشى بەسجىلدىق شەڭبەرىندە ەرەكشە اتاپ وتىلەتىنى - اۆتوونەركاسىپ پەن تەمىر جولدىق ماشينا جاساۋ سالاسى. اۆتوونەركاسىپتىڭ ۇلەسى 2013 - جىلدىڭ وزىندە 2008 - جىلمەن سالىستىرعاندا ءتورت ەسە ءوستى. ماشينا جاساۋ سالاسىنىڭ ۇلەسى 18 پايىزدى قۇرادى، بۇعان دەيىن تەك 4 پايىز بولعان. ءوندىرىس كولەمى 2008 - جىلمەن سالىستىرعاندا 12 ەسە كوتەرىلدى جانە دە وسى سالا بويىنشا اۆتوكولىك وندىرۋشىلەر نەسيەلەر مەن ليزينگتەر رەتىندە مەملەكەتتەن 10 ميلليارد تەڭگەدەن استام قاراجاتقا كومەك الدى»، - دەدى مينيستر.

 اۆتور: ءابۋ- اسقار مەكەش ۇلى