يەسىنە 5 كولىك مىنگىزىپ، 100 مىڭ ا ق ش دوللارىن اكەلگەن توبەت
قوجايىنىڭ ايتۋىنشا، «بالاقايدى» ساتىپ الام دەۋشىلەر كوپ، ءبىراق ول ەشكىمگە بەرگىسى جوق.
«كۇشىك كەزىنەن باعىپ، توبەلەسكە باۋلىدىم. مەنەن باسقا ادامعا بارمايدى، بوتەننىڭ قولىنان ءتىپتى تاماق ىشپەيدى. وزىنە باۋىر باسىپ قالعام، وتباسىمنىڭ ءبىر مۇشەسى دەپ سانايمىن. سوڭعى 1 جارىم جىلدا ءيت توبەلەسىنىڭ اراسىندا بارلىق باس جۇلدەنى قولدان جىبەرمەي، 5 اۆتوكولىك مىنگىزدى. جاسىراتىنى جوق قازىر قارتايىپ قالدى. ارى كەتسە 2 جىل توبەلەسە الادى».
ءيت يەسىنىڭ سوزىنشە، «بالاقايدىڭ» ءبىر توبەلەسى 20 مىڭ ا ق ش دوللارى تۇرادى. بۇل سومانى توبەت وسىرەتىن ازاماتتار ەكى جاقتان تەڭدەي ءبولىپ شىعارىپ، ءباس تىگەدى. كىمنىڭ الابايى ازۋلى بولىپ، قارسىلاسىن 3 راۋندتا جەڭسە بايگەنى سول الادى. يتتەردىڭ ءبىر راۋندتىق توبەلەسى 10 مينۋتتان 30 مينۋتقا دەيىن جالعاسادى.
جارىسقا كوشەدەگى كورىنگەن ءيت قاتىستىرىلمايدى. شارا الدىن الا ۇيىمداستىرىلىپ، 10 شاقتى ءادىلقازى باقىلايدى. ياعني توبەلەسكە شىعاتىن ءتورت اياقتى مەديتسينالىق تەكسەرۋدەن تولىق ءوتۋ قاجەت. سونداي-اق، 3 كۇن بويى تەمىر تورعا قامالىپ، باقىلاۋدا تۇرعان ءيت ازۋ كورسەتىپ، ىرىلداپ، ۇلىپ، قىڭسىلاۋىنا بولمايدى. سەبەبى، ۇلتتىق سپورت سانالاتىن بۇل جارىسقا بويىندا مۇنداي جاعىمسىز قاسيەتى جوق، تازا قاندى توبەتتەر عانا قاتىسادى.
بۇل سۋرەتتە بالاقايدىڭ سوڭعى توبەلەستە يەسى سابيتكە جول تالعامايتىن جيپتى جەڭىپ اپەرگەن ءساتى. وسىعان ساي ءيتتىڭ دە قۇرمەتى جوعارى.
توبەتتىڭ قوجايى ءيت باعۋ وڭاي ەمەس دەيدى. تاناداي توبەتتى ۇستاۋ شىعىنى ايىنا 50 مىڭعا جەتىپ جىعىلادى. سەبەبى، توبەلەستە جۇرگەن يتتەر دەنەسىنە ماي بايلاماس ءۇشىن ارنايى رەتسەپتپەن پىسىرىلگەن كۇرىش، تازارتىلعان ەت، قىمبات دارۋمەندەر ءىشىپ، ۇنەمى جاتتىعۋدا بولۋى قاجەت.
بالاقاي اپتاسىنا 2-3 مارتە باسسەينگە بارادى، كۇنىنە 4 شاقىرىم جۇگىرەدى. توبەلەستىڭ ءادىس-تاسىلدەرىن ۇيرەنەدى.
قازىر توبەت قىستا بولاتىن ءيت توبەلەسكە دايىندىقتا. قوجايىنى ءسابيت بولسا، بۇل جارىستان دا ولجالى ورالاتىنىنا سەنىمدى.
بالاقايدىڭ توبەلەستەگى ەرەكشە ءتاسىلىنىڭ ءبىرى - قارسىلاسىنىڭ باسىن ازۋعا الىپ، تۇنشىقتىرۋ. بۇل ءادىستى دە وعان يەسى ۇيرەتكەن.
ءيت توبەلەسى دە كادىمگى سپورت ءتۇرى سەكىلدى، ءادىل وتكىزىلەدى. مۇندا دا 3 راۋند جانە جانۋارلار سايىسقا سالماعىنا قاراي شىعادى. بالاقاي - 52 كەلىدە ياعني جەڭىل سالماقتاعى چەمپيون ءيت.
nur.kz
