جىل سايىن جىلاندار دۇنيەجۇزى بويىنشا 5 ميلليونعا جۋىق ادامدى شاعىپ، سونىڭ ىشىندە 100 مىڭ ادام كوز جۇمادى

استانا. قازاقپارات - تاياۋ جىلدارى ساحارانىڭ وڭتۇستىگىنە جاقىن جاتقان ەلدەردە تۇراتىن وڭ مىڭداعان ادام جىلانداردىڭ شاعۋىنا قارسى ءتيىمدى ۋ قايتارعىش ءدارىنىڭ بولماۋىنان كوز جۇمۋى مۇمكىن، دەپ حابارلادى سەيسەنبى كۇنى «دارىگەرلەردە شەكارا جوق» ۇيىمىنان.

جىلاننىڭ 10 ءتۇرىنىڭ شاعۋىن بەيتاراپتاندىراتىن Fav-Afrique ەڭ اسەرلى ۋ قايتارعىش ءدارىنىڭ سوڭعى پارتياسى 2016 -جىلدىڭ ماۋسىم ايىندا تاۋسىلادى، ال بۇل پرەپاراتتى تەڭ دارەجەدە اۋىستىراتىن ءدارى جوق.

وس ءدارىنى شىعارۋشى Sanofi Pasteur فيرماسى نارىقتان الدەقايدا ارزان جانە ساپاسى تومەن ۋ قايتارعىش دارىلەردى شىعارۋ ارقىلى نارىقتان ىعىستىرىلعانىن مالىمدەدى.

جىل سايىن جىلاندار دۇنيەجۇزى بويىنشا 5 ميلليونعا جۋىق ادامدى شاعادى. سونىڭ ىشىندە 100 مىڭ ادام كوز جۇمىپ، 400 مىڭى ءومىر بويى مۇگەدەك بولىپ قالىپ وتىر.