ەندى 4 جوعارى وقۋ ورنى رەكتورىن ۇكىمەت تاعايىندايتىن بولادى

استانا. قازاقپارات - مادەنيەت جانە سپورت ءمينيسترى «ءبىرىنشى باسشىلارىن ق ر ۇكىمەتى لاۋازىمعا تاعايىندايتىن جانە بوساتاتىن مەملەكەتتىك جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ تىزبەسىن بەكىتۋ تۋرالى» بۇيرىققا قول قويدى، دەپ حابارلايدى قازاقپارات ءتىلشىسى.

بۇيرىققا سايكەس، ەندى مىنا وقۋ ورىندارىنىڭ باسشىلارىن ۇكىمەت تاعايىندايدى:

- قۇرمانعازى اتىنداعى قازاق ۇلتتىق كونسەرۆاتورياسىنىڭ باسشىسىن؛

- قازاق ۇلتتىق ونەر ۋنيۆەرسيتەتىنىڭ باسشىسىن؛

- تەمىربەك جۇرگەنوۆ اتىنداعى قازاق ۇلتتىق ونەر اكادەمياسىنىڭ باسشىسىن؛

- قازاق ۇلتتىق حورەوگرافيا اكادەمياسىنىڭ باسشىسىن.

ايتا كەتەيىك، بۇعان دەيىن اتالعان وقۋ ورىندارىنىڭ رەكتورلارى پرەزيدەنت وكىمىمەن تاعايىندالاتىن.

بۇيرىق العاش رەسمي جاريالانعاننان 10 كۇن ءوتىپ بارىپ، 5-تامىزدا كۇشىنە ەنەدى.