ماس كۇيدە بولعان قىتايدىڭ 4 ازاماتى الماتى اۋەجايىندا رەيستەن ءتۇسىرىلدى
پوليتسيا مالىمەتىنشە، ولار ماساڭ كۇيدە بولىپ، اينالاداعى ادامداردىڭ مازاسىن العان، دەپ حابارلايدى قازاقپارات Рolisia.kz-كە سىلتەمە جاساپ.
بيىلعى 26- ساۋىردە الماتى قالاسى اۋەجايىنداعى جەلىلىك پوليتسيا بولىمىنە Air Astana كومپانياسىنىڭ وكىلىنەن الماتى - اتىراۋ رەيسىمەن ۇشپاقشى بولعان جولاۋشىلار تۋرالى حابارلاما تۇسكەن.
تەكسەرۋ بارىسىندا قىتايدىڭ 28، 32، 38 جانە 42 جاستاعى ازاماتتارى انىقتالدى.
«ارىز ءتۇسىرۋشىنىڭ ايتۋىنشا، رەيسكە تىركەلۋ كەزىندە ولار وزدەرىن دورەكى ۇستاعان، ماساڭ كۇيدە بولعان، بالاعات سوزدەر ايتىپ، ورتاق پايدالانۋعا ارنالعان ورىندى لاستاعان.
مەديتسينالىق كۋالاندىرۋ ناتيجەسىندە قۇقىقبۇزۋشىلار «ورتاشا» دارەجەدەگى الكوگولدى ماساڭ كۇيدە بولعانى انىقتالدى.
شەتەل ازاماتتارىنا قاتىستى ق ر اكىمشىلىك قۇقىق بۇزۋشىلىق تۋرالى كودەكستىڭ 440-بابى 1-بولىگى (الكوگولدىك ىشىمدىكتەردى ءىشۋ نەمەسە قوعامدىق ورىندارعا ماساڭ كۇيىندە كەلۋ) بويىنشا اكىمشىلىك حاتتاما تولتىرىلىپ، ءارقايسىسىنا 5 ايلىق ەسەپتىك كورسەتكىش (17250 تەڭگە) مولشەرىندە ايىپپۇل سالىندى.
ءىس شەشىم قابىلداۋ ءۇشىن الماتى قالاسىنىڭ مامانداندىرىلعان اۋدانارالىق اكىمشىلىك سوتىنا جولداندى»، - دەلىنگەن پوليتسيا مالىمەتىندە.