قور نارىعىندا دوللار 4 تەڭگەگە جۋىق قىمباتتادى

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا 1 دوللاردىڭ تەڭگەگە شاققانداعى باعامى ءوستى، دەپ حابارلايدى قازاقپارات ءتىلشىسى.

KASE قور نارىعىنداعى كۇندىزگى ساۋدا قورىتىندىسى بويىنشا، دوللار باعامى 3,99 تەڭگەگە قىمباتتادى. ءبىر ا ق ش دوللارىنىڭ ورتاشا باعامى - 455,07 تەڭگە.

رەسەي ءرۋبلىنىڭ ورتاشا سارالانعان قۇنى - 5,53 تەڭگە.

ۇلتتىق بانكتىڭ 19-ساۋىردەگى رەسمي باعامى - 1 دوللارعا 451,00 تەڭگە.

Kurs.kz مالىمەتىنشە، ءدال قازىرگى ۋاقىتتا الماتىنىڭ اقشا ايىرباستاۋ پۋنكتىلەرىندە دوللاردىڭ ساتۋ باعامى - 455 تەڭگە، ساتىپ الۋ - 460 تەڭگە.

ال استانا قالاسى بويىنشا ساتۋ باعامى - 454 تەڭگەدەن بولسا، ساتىپ الۋ قۇنى - 458 تەڭگە.

رەسەي ءرۋبلى 5,45 - 5,75 تەڭگە ارالىعىندا ساۋدالانىپ جاتىر.