ش ق و- دا بالالارىنا 4 ميلليون تەڭگە اليمەنت تولەمەگەن ەر ادام سوتتالدى
ش ق و بويىنشا ق ا ج دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ەر ادام 2018 -جىلى كامەلەتكە تولماعان قىزى مەن ۇلىن اسىراۋ ءۇشىن جالاقىسىنىڭ ۇشتەن ءبىر بولىگى مولشەرىندە اليمەنت تولەۋگە مىندەتتەلگەن.
الايدا 5 جىل بويى ول مۇلدە اليمەنت تولەمەي كەلدى.
وسىلايشا، سوت ورىنداۋشىسىنىڭ تالاپتارىن ەلەمەگەن ازامات 12 جانە 15 جاسار بالالارىن اسىراۋ مىندەتىن ورىنداماعان.
ونىڭ اليمەنت بويىنشا قارىزى 4 ميلليون تەڭگەدەن استى.
ەر ادامعا سوت اكتىلەرىنىڭ مىندەتتى ەكەنى جانە قاتاڭ تۇردە تولىق كولەمدە ورىندالۋى تيىستىگى ەسكەرتىلگەن.
«قازىر ەر ادام پروباتسيالىق باقىلاۋعا الىندى. سوت ۇكىمىمەن ءبىر جىلعا باس بوستاندىعىنان شەكتەۋ جازاسى كەسىلدى. سونداي- اق ايىپتالۋشىعا جۇمىسقا ورنالاسۋ قاجەتتىگى، ەگەر تۇراقتى جۇمىسى بولماسا اكىمدىك بەلگىلەگەن مەكەمەلەردە 100 ساعاتقا ءماجبۇرلى ەڭبەككە تارتىلاتىنى ءتۇسىندىرىلدى. اليمەنت تولەنبەگەن جاعدايدا ول باس بوستاندىعىنان ايىرىلادى»، - دەيدى سول جاعالاۋ اۋداندىق پروباتسيا قىزمەتىنىڭ ينسپەكتورى ۇلابەك جايبەك.
اۆتور
تالعاتجان مۇحامەتبەك ۇلى
