استانا ماڭىنداعى اۆتوجولدا 4 ادام قازا بولدى
ۆەدومستۆو مالىمەتىنشە، جول اپاتى «الماتى-ەكاتەرينبۋرگ» اۆتوجولىندا، ياعني سەلينوگراد اۋدانىنىڭ ارايلى اۋىلى ماڭىندا بولعان.
«انىقتالعانداي، «الماتى-ەكاتەرينبۋرگ» اۆتوجولىنىڭ 1223-شاقىرىمىندا قوستاناي قالاسىنىڭ 37 جاستاعى تۇرعىنى باسقارعان «Toyota Alphard» كولىگى مەن 42 جاستاعى استانالىق باسقارعان «Тоyоtа Cаmry» اۆتوكولىكتەرى سوقتىعىسقان.
سالدارىنان وقيعا ورنىندا «Toyota Alphard» كولىگىندە بولعان ءتورت جولاۋشى كوز جۇمدى. ال ونىڭ جۇرگىزۋشىسى جانە تاعى ءبىر جولاۋشى استانا قالاسىنداعى اۋرۋحاناعا جاتقىزىلدى»، - دەدى ۆەدومستۆودان.
پ د باسپا ءسوز قىزمەتىنەن اتاپ وتكەندەي، ساراپتاما تاعايىندالىپ، قىلمىستىق كودەكستىڭ 345-بابى 4-بولىگىمەن («ابايسىزدا ەكى جانە ودان دا كوپ ادامنىڭ ولىمىنە اكەپ سوققان جول قوزعالىسى ەرەجەلەرىن بۇزۋ») سوتقا دەيىنگى تەرگەۋ جۇرگىزىلۋدە.
ەسكە سالايىق، بۇعان دەيىن اقمولا وبلىسىندا جۇك پويىزى مەن جەڭىل كولىك سوقتىعىسىپ، 3 ادام كوز جۇمعانىن جازعان بولاتىنبىز.
