قازاقستان شەكاراسىن زاڭسىز كەسىپ وتكەن 4 ازامات سوتتالدى

None
تاراز. قازاقپارات - جامبىل وبلىسى جامبىل اۋداندىق سوتىندا قازاقستاننىڭ مەملەكەتتىك شەكاراسىن قاساقانا زاڭسىز كەسىپ ءوتۋ بابى بويىنشا ايىپتالعان 4 تۇلعاعا قاتىستى ءىس قارالدى، دەپ حابارلايدى قازاقپارات وبلىستىق سوتقا سىلتەمە جاساپ.

سوتتالۋشىلار - پاكىستان يسلام رەسپۋبليكاسىنىڭ ازاماتتارى ا، ا، م. جانە م. 2022-جىلدىڭ قازان ايىندا «جاسوركەن» شەكارا بولىمشەسى ۋچاسكەسىنىڭ سول قاپتالىندا، وتكىزۋ پۋنكتىنەن تىس جەردە قىرعىزستان اۋماعىنان مەملەكەتتىك شەكارانى قاساقانا زاڭسىز كەسىپ وتكەن.

پروكۋرور ا، ا، م. جانە م- عا – 6 ايعا باس بوستاندىعىن ايىرۋ جانە 5 جىل مەرزىمگە قازاقستان اۋماعىنان تىسقارى شىعارىپ جىبەرۋ جازاسىن تاعايىنداۋدى سۇرادى.

سوتتالۋشىلار ايىبىن تولىق مويىندادى.

كىنا ءىس اياسىندا جينالعان دالەلدەمەلەرمەن، سوتتالۋشىلاردىڭ ايعاقتارىمەن دالەلدەندى.

سوت جازا تاعايىنداۋ كەزىندە ولاردىڭ شىن جۇرەكتەن وكىنۋىن، كامەلەتكە تولماعان بالالارىنىڭ بار ەكەنىن جازانى جەڭىلدەتىن ءمان- جاي رەتىندە تانىدى.

اۋىرلاتاتىن ءمان-جاي جوق.

سوت ا، ا، م. جانە م. -عا قازاقستان اۋماعىنان 5 جىل مەرزىمگە شىعارىپ جىبەرە وتىرىپ، 6 ايعا باس بوستاندىعىنان ايىرۋ جازاسىن تاعايىندادى.

ۇكىم زاڭدى كۇشىنە ەندى.

سوڭعى جاڭالىقتار