بىردەڭە جاساۋ كەرەك ەدى - ءدال قازىر ءبارىن باستاپ كەتۋگە 4 سەبەپ

نۇر- سۇلتان. قازاقپارات - «بىردەڭە جاساۋ كەرەك ەدى» دەپ ءجۇرىپ قالىپ قويامىز. بۇل ەڭ جامان ادەت. ءبىز بىردەڭەگە كىرىسپەس بۇرىن ايتامىز، سودان كەيىن ىستەۋگە تىرىسامىز.

ال ايتىلعان وي ورىندالماسا ول كوشىپ باسقا بىرەۋدىڭ ساناسىنا بارادى. اقىرى كەش قالامىز. سوندىقتان سىزدەرگە ءبارىن باستاپ كەتۋ ءۇشىن ءتورت ءتۇرلى سەبەپ ۇسىنامىز.

1. «ۋاقىتى كەلسىن» دەيتىن ۋاقىت ەشقاشان كەلمەيدى بۇل ادامداردىڭ ەڭ جامان ءارى ۇيرەنشىكتى ادەتى. سەبەبى ءبىز «وسى دۇيسەنبىدەن باستاپ ءبارىن ورنىنا قويامىن»، «وسى دەمالىستا ءبارىن جاسايمىن» دەپ ءتۇرلى سىلتاۋ ايتامىز. تەگىندە سونىڭ ءبىرى دە ورىندالمايدى. ءسىز ويلاپ تۇرعان دۇنيەنى نە جاساۋ كەرەك جۇمىستى سول ساتتە جاساپ تاستاڭىز. سەبەبى ءار ءساتتىڭ وزىنە ءتان قيىندىقتارى بولادى. ءبارى قاتار كەلگەن كەزدە شاراسىزدىق تانىتاسىز. شىندىعىندا ومىردە ەڭ كەرەمەت ءسات پەن ۋاقىت بولمايدى. ياعني جاساۋعا ىڭعايلى، بىردەڭە تىندىرۋعا ارنايى ۋاقىت قاراستىرىلماعان. ونى تەك باستاپ كەتۋ كەرەك. ناتيجەسىن عانا ەڭ كەرەك ساتتە كۇتە الاسىز. توقسان توعىز پايىز ەڭبەك جانە ءبىر پايىز تالانتپەن كەلەتىن جەمىستى ءىستىڭ جاۋاپكەرشىلىگىن بۇگىن سەزىنە الماساڭىز، سول ايتقان دۇيسەنبى مەن دەمالىس كۇندەرى سەزىنە المايسىز.

2. ءبىز ەشقاشان بولاشاقتى بولجاي المايمىز «ەرتەڭ»، «كەلەسى اپتا»، «جاقىندا» دەگەن سوزدەردى ۇمىتىڭىز. ءبارىن قازىر باستاپ كەتىڭىز. سەبەبى ءسىز كورىپكەل ەمەسسىز. كورىپكەل بولعان كۇننىڭ وزىندە ەرتەڭ نە بولارىن بولجاي المايسىز. سوندىقتان بۇگىن جاسالۋ كەرەك ءىستى بۇگىن اياقتاپ تاستاۋعا تىرىسىڭىز. سول كەزدە ەرتەڭ ارتىق ماسەلە تۋىندامايدى. ۋاقىتى كەلگەن كەزدە ءسىز ۇرپاققا اماناتتاپ وسيەت قالدىراتىن كۇن تۋادى. سول ساتتە ءسىز تەك بولاشاققا جاساعان بولجامدارىڭىز تۋرالى ايتاسىز با؟! بۇل جاعداي ورىن الماسىن دەسەڭىز، كەتتىك، ىسكە كوشەلىك!

3. ومىردە ءبىر قادامعا بۇكىل ءىسىمىز تاۋەلدى بولادى شىندىعىندا سولاي. ءسىزدىڭ ويلانباستان، تاۋەكەلگە بارا وتىرىپ باسقان ءبىر- اق قادامىڭىز ءسىزدىڭ بۇكىل ءومىرىڭىزدىڭ ارناسىن وزگەرتىپ جىبەرە الادى. ءسىز كۇتپەگەن توسىن جاڭالىقتار مەن جەتىستىكتەر ورىن الادى. ومىردە ءبىر قادام باسا وتىرىپ بۇكىل عاسىر بويىنا اتتاۋ كەرەك ماعىناسىز قادامداردىڭ الدىن الاسىز. تاۋەكەلگە بارۋدان قورىقپاڭىز!

4. ءسىز ءوزىڭىزدى كەرەمەت سەزىنەسىز، ءبىر ساتكە عانا... ءسىز ءبارىن جوبالاپ، ءتۇيىنىن شىعارىپ تاستاپ ءلاززاتقا باتاسىز. بۇل ءالى ءىستى باستادىم دەگەن ءسوز ەمەس. قيالدىڭ ىشىندە ورناتىپ تاستاعان ءبىر ساتتىك كەرەمەت كۇي عانا. ال ول باستالعان كەزدە ءتۇرلى كۇيزەلىستەر مەن قاقتىعىستار ورىن الادى. سەبەبى ءسىز ويمەن ءبارىن جوبالاپ قويدىڭىز. ءسىز ءالى باستاعان جوقسىز. سوندىقتان ءبىر ساتتىك كەرەمەت سەزىم ءۇشىن بۇكىل ءىستىڭ سالىن سۋعا كەتىرمەڭىز.

Massaget.kz