ترانسكاسپي باعىتى بويىنشا جىلىنا 4 ميلليون توننا قازاقستان جۇگى تاسىمالدانادى
2022-جىلدىڭ 7 ايىندا جۇك تاسىمالداۋ كولەمى وتكەن جىلدىڭ سايكەس كەزەڭىمەن سالىستىرعاندا 171 پايىزعا ارتىپ، 845,2 مىڭ توننانى قۇرادى. كونتەينەرلەرمەن جۇك تاسىمالداۋ كولەمى 33 پايىزعا ۇلعايىپ، 17,6 مىڭ ج ف ە قۇرادى.
ق ت ج دەرەكتەرى بويىنشا تەك قازاقستاندىق جۇكتەردىڭ ت م م بويىنشا تاسىمالداۋ الەۋەتى جىلىنا 4 ميلليون توننادان استامعا باعالانىپ وتىر. حالىقارالىق جەتكىزىلىم تىزبەگىنىڭ وزگەرۋى جاعدايىندا سولتۇستىك قىتاي - ەۋروپا باعىتىنىڭ لوگيستيكالىق وپەراتورلارى دا ءوز كولەمدەرىن وسى باعىتقا اۋىستىرا الادى.
مەموراندۋم ەكى ەلدىڭ ترانزيتتىك الەۋەتىن ارتتىرۋعا مۇمكىندىك بەرەتىن ترانسكاسپي حالىقارالىق كولىك باعدارىن ودان ءارى دامىتۋعا باعىتتالعان.
«ق ت ج» ۇ ك» ا ق كەڭەيۋدىڭ 2-كەزەڭى شەڭبەرىندە تەرمينالدىق قۋاتتاردى، سونداي-اق اليات پورتىنىڭ قولدانىستاعى ينفراقۇرىلىمىن دامىتۋعا قاتىسۋ تۋرالى ۋاعدالاستىققا قول جەتكىزدى. قول قويىلعان قۇجات پورتتى بىرلەسىپ دامىتۋ ءۇشىن قازاقستان تاراپىنا جەر ۋچاسكەسىن جانە قولدانىستاعى ايلاقتاردى ءبولۋ مۇمكىندىگىن كوزدەيدى.
