ۋكراينا پورتتارىنان تۇركياعا قاراي تاعى 4 كەمە شىعادى

انكارا. انادولى - قازاقپارات - ۇلتتىق قورعانىس ءمينيسترى حۋلۋسي اكارمەن بايلانىس ورناتۋ جانە 7-تامىزدا ىستانبۇلداعى بىرلەسكەن ۇيلەستىرۋ ورتالىعىمەن كەلىسۋ ناتيجەسىندە ۋكراينا پورتتارىنان تاعى 4 كەمەنى شىعارۋ جوسپارلاندى، دەپ حابارلايدى قازاقپارات انادولى اقپارات اگەنتتىگىنە سىلتەمە جاساپ.

ۇلتتىق قورعانىس مينيسترلىگىنىڭ مالىمدەمەسىندە ۋكراينادان ءجۇزۋى جوسپارلانعان كەمەلەردىڭ ءبىرى ودەسسادان، تاعى 3 كەمە چەرنومورسكىدەن جولعا شىعادى. ۋكراينا كەمەجايلارىنا ءبىر بوس جۇك كەمەسىن كىرگىزۋ جوسپارلانىپ وتىر. جۇكتەردى دايىنداۋ جانە تاسىمالداۋدى كەلىسۋ بەلگىلەنگەن تارتىپتە جالعاسۋدا.

22-شىلدەدە ىستامبۇلدا تۇركيا پرەزيدەنتى رەجەپ تايىپ ەردوعان مەن ب ۇ ۇ باس حاتشىسى انتونيۋ گۋتەرريشتىڭ قاتىسۋىمەن ۋكراينا پورتتارىنان استىقتى ءقاۋىپسىز تاسىمالداۋ تۋرالى كەلىسىمگە قول قويىلدى. قۇجاتقا ۋكراينا، رەسەي، ب ۇ ۇ جانە تۇركيا وكىلدەرى قول قويدى. سوڭعى بىرنەشە كۇندە ودەسسا پورتتارىنان «استىق دالىزىمەن» جۇگەرى تيەلگەن ءتورت كەمە ءجۇزىپ كەتتى. فوتو: aa.com.tr