سارىاعاش تۇرعىنى جەرلەسىن پىشاقتاپ، 4 ميلليون تەڭگەسىن الىپ كەتكەن

تۇركىستان. قازاقپارات - سارىاعاش اۋدانىنىڭ تۇرعىنى جەرلەسىنە پىشاق جاراقاتىن سالىپ، 4 ميلليون تەڭگەسىن الىپ كەتكەن، دەپ حابارلايدى قازاقپارات ءتىلشىسى.

تۇركىستان وبلىستىق پوليتسيا دەپارتامەنتى كريمينالدىق پوليتسيا باسقارماسىنىڭ قىزمەتكەرلەرى كۇدىكتىنى نۇر-سۇلتان قالاسىنان ۇستادى.

ءتىنتۋ كەزىندە جاس جىگىتتەن ۇرلانعان اقشانىڭ ءبىر بولىگى مەن باسقا دا ايعاقتى زاتتار تاركىلەندى.

«قازىرگى ۋاقىتتا اتالعان جايتقا قاتىستى ق ر ق ك 192-بابىنىڭ 3-بولىگى «قاراقشىلىق» جانە ق ر ق ك 24-بابىنىڭ 3-بولىگى، 99-بابىنىڭ 2-بولىگى «ادام ولتىرۋگە وقتالۋ» بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتى قاماۋعا الىندى. وقيعانىڭ بارلىق ءمان-جايى انىقتالادى»، - دەيدى تۇركىستان وبلىسى پوليتسيا دەپارتامەنتىنىڭ باسپا ءسوز حاتشىسى گۇلنار ءابدىجاپپاروۆا.