تۇركىستان وبلىسىندا جول اپاتىنان 4 ادام قازا بولدى

تۇركىستان. قازاقپارات - تۇركىستان وبلىسىندا جول اپاتىنان 4 ادام مەرت بولىپ، تاعى 3 ادام جاراقات الدى، دەپ حابارلايدى قازاقپارات ءتىلشىسى.

وقيعا بۇگىن، تۇنگى ساعات 02:00 شاماسىندا بولعان. ورداباسى اۋدانى اۋماعىنان وتەتىن «شىمكەنت- بادام- ارىس» تاسجولىنىڭ سارىارىق اۋىلى تۇسىندا «Lada Priora» مەن «ۆاز-21099» كولىكتەرى بەتپە-بەت سوقتىعىسقان. جول-كولىك وقيعاسىنىڭ سالدارىنان «Lada Priora» اۆتوكولىگىنىڭ جۇرگىزۋشىسى مەن 3 جولاۋشىسى ءتۇرلى دەنە جاراقاتىمەن اۋرۋحاناعا جەتكىزىلگەن. الايدا، جولاۋشىنىڭ ءبىرى اۋرۋحانادا كوز جۇمدى. بۇدان بولەك، «ۆاز-21099» كولىگىنىڭ جۇرگىزۋشىسى مەن 2 جولاۋشىسى وقيعا ورنىندا كوز جۇمعان.

«بۇگىنگى تاڭدا اتالعان جايت ق ر ق ك-نىڭ 345-بابى 4-بولىگىمەن تىركەلىپ، سوتقا دەيىنگى تەرگەۋ امالدارى جۇرگىزىلۋدە. ساراپتامالار تاعايىندالدى. وقيعانىڭ باسقا دا ءمان-جايى تەرگەۋ بارىسىندا انىقتالادى»، - دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان حابارلامادا.