الماتىدا جولاي وتكەن ادامداردى پىشاقپەن قورقىتىپ توناپ كەلگەن 4 جاس جىگىت ۇستالدى

الماتى. قازاقپارات - الماتىدا ادامداردى ۇرىپ- سوعىپ، توناعاندار ۇستالدى.

قازىر اتالعان فاكتى بويىنشا، ءتورت ازامات كۇدىكتى رەتىندە تەرگەلىپ جاتىر. 17 جانە 19 جاستاعى جىگىتتەر قاماۋعا الىندى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، جاس جىگىتتەر قىلمىستى كىسى كوپ جينالاتىن ورىندار مەن ساياقباقتا جاساعان.

«كۇدىكتى رەتىندە 17 جاستاعى د. ەسىمدى ازامات، ج. ەسىمدى ازامات، ن. ەسىمدى ازامات جانە 19 جاستاعى ب. ەسىمدى ازامات ۇستالدى. ولار زاڭسىز بايۋ ماقساتىندا ءوتىپ بارا جاتقان ادامداردى پىشاقپەن قورقىتىپ، ۇرىپ-سوعىپ، ۇيالى تەلەفوندارى مەن باسقا دا مۇلىكتەرىن تارتىپ العان. ءتورت جىگىت ساياباق پەن حالىق كوپ جينالاتىن جەرلەردە جۇرگەن. ولار قورعانسىز ازاماتتارعا تۇنگى ۋاقىتتا عانا شابۋىل جاساعان. اتالعان تۇلعالار ۇستالىپ، قاراقشىلىق شابۋىل جاساعانىن مويىندادى»، - دەيدى مەدەۋ اۋداندىق پوليتسيا باسقارماسىنىڭ باستىعى داۋرەن وتەبايەۆ.

پوليتسيا وكىلىنىڭ ايتۋىنشا، قازىرگى ۋاقىتتا ۇستالعانداردىڭ جالپى الماتى قالاسىندا وسىعان ۇقساس، بۇرىن جاسالعان قىلمىستارعا قاتىسى بار-جوعى تەكسەرىلىپ جاتىر. ءتارتىپ ساقشىلارى كۇدىكتىلەردىڭ قىلمىستىق ارەكەتىنەن زارداپ شەككەن ازاماتتاردىڭ مەدەۋ اۋداندىق پ ب-عا حابارلاسۋىن سۇرايدى: 87272544802؛ 87024766660.