قاجىلىققا بولىنگەن كۆوتا 4 مىڭعا دەيىن ارتتى
قازاقپارات بۇل تۋرالى قازاقستان مۇسىلماندارى ءدىني باسقارماسىنىڭ (ق م د ب) سايتىنا سىلتەمە جاساپ حابارلايدى.
بۇگىن ق م د ب عيماراتىندا قازاقستان قاجىلىق ميسسياسى وكىلدەرىنىڭ العاشقى وتىرىسى ءوتتى.
ءمالىم بولعانداي، بيىلعا بولىنگەن 4 مىڭ قاجىلىق ورىن كونكۋرس نەگىزدە ىرىكتەلگەن 14 تۋروپەراتور اراسىندا ءبولىندى.
قاجىلىققا بارۋعا نيەت ەتكەن قازاقستاندىقتار وسى تۋروپەراتورلارعا جۇگىنە الادى. قازىر ولار تىركەۋ جۇمىستارىن باستاپ كەتتى.
وتىرىس بارىسىندا قاجىلىق كەزىندە اتقارىلاتىن جۇمىس جوسپارى تالقىلانىپ، ۇيىمداستىرۋ ماسەلەلەرى پىسىقتالدى.
سونداي-اق قاجىلاردىڭ دەنساۋلىعى مەن قاۋىپسىزدىگى دە ميسسيانىڭ باقىلاۋىندا بولاتىنى ايتىلدى.
ق م د ب ءتوراعاسىنىڭ ورىنباسارى ەرشات وڭعار ميسسيا وكىلدەرىنىڭ مىندەتىن شەگەلەپ، بەس پارىزدىڭ ءبىرى سانالاتىن قاجىلىققا مۇقيات دايىندىق جاساۋدى تاپسىردى.
ايتا كەتەيىك، بۇعان دەيىن قازاقستاننان 3 مىڭ ادامعا قاجىلىق پارىزدى وتەۋگە رۇقسات بەرىلگەنى تۋرالى ايتىلعان بولاتىن.
