وزبەكستاندىقتار بەس ايدا وتانىنا 4 ميلليارد دوللاردان استام اقشا اۋدارعان

تاشكەنت. قازاقپارات - 2022-جىلدىڭ بەس ايىندا وزبەكستانعا اۋدارىلعان اقشا كولەمى وتكەن جىلدىڭ سايكەس كەزەڭىمەن سالىستىرعاندا %61 عا ارتقان، دەپ حابارلايدى قازاقپارات مەنشىكتى ءتىلشىسى وزبەكستاننىڭ ورتالىق بانكىنە سىلتەمە جاساپ.

قارجى رەتتەۋشىسىنىڭ مالىمەتىنشە، بەس اي ىشىندە ەلگە 4,19 ميلليارد دوللار سوماسىندا ترانسشەكارالىق اۋدارىمدار تۇسكەن.

بۇل وتكەن جىلدىڭ سايكەس كەزەڭىمەن سالىستىرعاندا 1,58 ميلليارد دوللارعا (%61) كوپ.

ۆاليۋتا ايىرباستاۋ وپەراتسيالارىنىڭ كورسەتكىشتەرى دە كۇرت وسكەن.

2022-جىلعى قاڭتار-مامىردا بانكتەر حالىقتان 4,32 ميلليارد دوللارعا ۆاليۋتا ساتىپ العان.

بۇل وتكەن جىلدىڭ سايكەس كەزەڭىمەن سالىستىرعاندا 1,6 ميلليارد دوللارعا نەمەسە %59 عا ارتىق.

تەك مامىر ايىنىڭ وزىندە ساتىپ الۋ كولەمى 1,05 ميلليارد دوللاردى قۇرادى.

بۇل رەتتە بانكتەر حالىققا 2,8 ميلليارد دوللار ساتتى. بۇل وتكەن جىلعى كورسەتكىشتەن 1,7 ميلليارد دوللارعا نەمەسە %70 عا كوپ.