قىتاي وربيتا ستانسياسىنا تيانجوۋ-4 جۇك كەمەسىن ۇشىردى

بۇل تۋرالى قىتايدىڭ باسقارىلاتىن كوسموناۆتيكا باعدارلاماسىنىڭ كەڭسەسى (CSMA) مالىمدەدى، دەپ حابارلايدى قازاقپارات مەنشىكتى ءتىلشىسى.

حابارلاماعا سايكەس، «تيانجوۋ-4» عارىش كەمەسى سەيسەنبىدە قىتايدىڭ وڭتۇستىگىندەگى حاينان پروۆينسياسىنداعى ۆەنچان عارىش ايلاعىنان «جانجەن-7» زىمىران تاسىعىشىمەن وربيتاعا شىعارىلدى.

«تيانجوۋ-4» ق ح ر وربيتالىق ستانسياسىنا التى ايلىق عارىشكەرلەرگە ارنالعان قوردى، ستانسياعا قىزمەت كورسەتۋگە ارنالعان قوسالقى بولشەكتەردى جانە عارىشتىق زەرتتەۋلەر جۇرگىزۋگە ارنالعان جابدىقتاردى جەتكىزەدى. وربيتالىق كەشەن «تيانحە» عارىش ستانسياسىنىڭ نەگىزگى مودۋلىنەن جانە «تيانجوۋ-3» جۇك كەمەسىنەن تۇرادى. ماۋسىم ايىندا باسقارىلاتىن «شەنجوۋ-14» عارىش كەمەسى ۇشىرىلادى. ول ءۇش تايكوناۆتى (ق ح ر- دا عارىشكەرلەردى وسىلاي اتايدى) وربيتالىق ستانسياعا جەتكىزەدى، ولار قىتاي عارىش ستانسياسىن ىسكە قوسۋ جۇمىستارىن جالعاستىرادى جانە التى اي وربيتادا بولادى.

اۆتور: اقبوپە ءابدراسۋل