اتىراۋدا 4-قاباتتان قۇلاعان ءتورت جاسار قىز جانساقتاۋ بولىمىندە جاتىر

اتىراۋ. قازاقپارات اتىراۋدا 4-قاباتتان قۇلاعان 4 جاسار قىز جانساقتاۋ بولىمىندە جاتىر، دەپ حابارلايدى قازاقپارات.

وبلىستىق بالالار اۋرۋحاناسى باسپا ءسوز قىزمەتىنىڭ مالىمەتىنشە، ەمدەۋ ورنىنا 4 جاسار قىز كەشە، 27- ساۋىردە تۇسكەن.

«كىشكەنتاي قىزدىڭ جاعدايى اۋىر. قازىر جانساقتاۋ بولىمىندە جاتىر. ناۋقاستىڭ باسىندا جاراقاتى، دەنەسىندە كوپتەگەن سىنىق بار. دارىگەرلەر ناۋقاسقا شۇعىل وتا جاسادى. وتا 2,5 ساعاتقا سوزىلدى. اۋرۋحانا دارىگەرلەرى ناۋقاسقا بارلىق قاجەتتى مەديتسينالىق كومەكتى كورسەتىپ جاتىر»، - دەپ حابارلادى اۋرۋحانانىڭ باسپا ءسوز قىزمەتى.

كىشكەنتاي قىز اس بولمەسىنىڭ تەرەزەسىنەن قۇلاعان. بۇل كەزدە اكەسى باسقا بولمەدە بولعان.

ەسكە سالا كەتەلىك، بۇدان بۇرىن اتىراۋدا اجەسىنەن اداسىپ قالعان 5 جاسار بالا جوعالىپ كەتكەنىن جازعان ەدىك.