ەنەرگەتيكا ءمينيسترى 4 جەر قويناۋىن پايدالانۋشىمەن كەلىسىمشارتتى بۇزدى

نۇر-سۇلتان. قازاقپارات - ق ر ەنەرگەتيكا مينيسترلىگى مۇناي-گاز كەن ورىندارى جەر قويناۋىن يگەرۋگە قاتىستى 27 كەلىسىمشارت جاساسقان.
None
None

بۇل تۋرالى اتالعان ۆەدومستۆونىڭ باسشىسى بولات اقشولاقوۆ ايتتى، دەپ حابارلايدى قازاقپارات ءتىلشىسى.

«يگەرىلىپ جاتقان كەن ورىندارى - كونتسەسسيالىق كەن ورنى. ءاربىر كەلىسىمشارتتىڭ مەرزىمى بار. تەڭىز كەلىسىمشارتى 2033-جىلى اياقتالادى، 10 جىلدان ءسال اساتىن مەرزىم قالدى. ول وزدىگىنەن بىتەدى. كەلىسىمشارت تابىستى، سالىق تولەپ وتىر. كەن ورىندارى جەكەمەنشىككە ەمەس، ۋاقىتشا عانا بەرىلەدى»، - دەدى بولات اقشولاقوۆ سەناتتا وتكەن ۇكىمەت ساعاتىنان كەيىن ب ا ق وكىلدەرىنىڭ ساۋالىنا وراي.

ونىڭ ايتۋىنشا، قازىرگى ۋاقىتتا مينيسترلىك قولداعى بارلىق كەلىسىمشارتتى قاراستىرىپ جاتىر.

«مەملەكەت باسشىسىنىڭ تاپسىرماسى بار، قازىر بۇكىل كەلىسىمشارتتى قاراستىرىپ جاتىرمىز. بەيجاي قارايتىندار، مىندەتتەمەسىن ورىندامايتىندار، پايدالانۋعا بەرۋ مەرزىمىن سوزىپ جىبەرەتىندەردىڭ كەلىسىمشارتى كەرى قايتارىلادى. قازىردىڭ وزىندە 27 كەلىسىمشارت بار. ونىڭ بۇگىندە تورتەۋى بۇزىلدى. بۇل جۇمىس ءبىر نارسەنى مەملەكەت مۇلكىنە اينالدىرۋ ءۇشىن ەمەس، زاڭ بۇزۋشىلارمەن جۇرگىزىلىپ جاتىر. كەلىسىمشارتتى بۇزۋ - سوڭعى شارا. ءبىز بارلىعىمەن جۇمىس ىستەپ جاتىرمىز. ەگەر ورىندالماسا، ءتىپتى ورىنداۋعا نيەتى بولماسا، وندا ارينە، كەلىسىمشارتتى بۇزامىز. بۇل - مەملەكەتتىڭ قۇقىعى»، - دەدى مينيستر.

سوڭعى جاڭالىقتار