وزبەكستاننىڭ ەكى وبلىسىن سۋ باسىپ 4 ادام كوز جۇمدى

تاشكەنت. قازاقپارات - تولاسسىز جاۋعان جاڭبىر سالدارىنان وزبەكستاننىڭ سامارقاند جانە جىزاق وبلىستارىنىڭ كوپ بولىگىندە سۋ تاسقىنى بولدى. بۇل تۋرالى ەلدىڭ توتەنشە جاعدايلار مينيسترلىگىنە سىلتەمە جاساپ ءوزا اگەنتتىگى حابارلايدى.
None
None

ەلدىڭ توتەنشە جاعدايلار مينيسترلىگىنىڭ مالىمەتىنشە، 19-ساۋىردە باستالعان نوسەر جاڭبىردان كەيىن 20-ساۋىردە سامارقاند جانە جىزاق وبلىستارىنىڭ ءبىرقاتار اۋداندارىندا سەل مەن سۋ تاسقىنى بايقالدى.

اتاپ ايتقاندا، سۋ تاسقىنى جىزاق وبلىسىنىڭ باحمال، فوريش، عاللاارال جانە ش. راشيدوۆ اۋداندارىندا بايقالعان.

الدىن الا مالىمەت بويىنشا، فوريش اۋدانىنداعى سۋ تاسقىنى سالدارىنان 4 ادام (1 ەر، 3 ايەل) قازا تاپقان. تولاسسىز جاۋعان جاڭبىر سالدارىنان سامارقاند وبلىسىنىڭ يشتيحون، بۋلۋنعىر جانە ۇرگۋت اۋداندارىندا سۋ تاسقىنى بولىپ، م-39 حالىقارالىق تاس جولىنىڭ بولىكتەرىن سۋ باسقانى ايتىلادى حابارلامادا. قازىرگى ۋاقىتتا قۇتقارۋشىلار توتەنشە جاعداي سالدارىن جويۋ شارالارىن قابىلداۋدا.

سوڭعى جاڭالىقتار