شىمكەنتتىك دارىگەرلەر 4 جاسار قىزدىڭ جۇرەگىنە تىلىكسىز وتا جاسادى
شىمكەنت قالالىق بالالار كلينيكالىق اۋرۋحاناسىنىڭ دارىگەرلەرلەرى العاش رەت جۇرەك اقاۋىنا شالدىققان ناۋقاس بالاعا كۇردەلى وتا جاسادى. بىلىكتى ماماندار انگيوگراف اپپاراتىن قولدانا وتىرىپ، جۇرەككە تىلىكسىز وپەراتسيا جاساعان.
تۋمىسىنان اۋىر دەرتكە شالدىققان 4 جاسار قىز بالاسى قالالىق بالالار كلينيكالىق اۋرۋحاناسىنا جەتكىزىلگەن. اۋىر جاعدايدا تۇسكەن ناۋقاستا ەنتىكپە- كوگەرۋ، دەم جەتىسپەۋشىلىگىنىنىڭ جيىلىگى سىندى شاعىمدار بولعان. پاتسيەنتتىڭ جاعدايى بويىنشا دارىگەرلەر كونسيليۋم جاساپ، جەدەل تۇردە ينتەرۆەنتسيالىق كارديولوگيا، انگيوحيرۋرگيا بولىمشەسىنە جاتقىزادى. دياگنوستيكالىق زەرتتەۋلەر بارىسىندا تۋا ءبىتتى پايدا بولعان اقاۋ جۇرەكتەن شىعاتىن ماگيسترالدى تامىر - وكپە ارتەرياسى قاقپاقشاسىنىڭ تارىلۋىنان تۋىنداعانى انىقتالدى.
بالاقايدىڭ ءومىرىن امان الىپ قالۋ ءۇشىن دارىگەرلەر ينتەرۆەنتسيالىق ەندوۆاسكۋليارلى ادىسپەن ترانسليۋممينالدى باللوندى ۆالۆۋلوپلاستيكا وتا جاسادى. دارىگەرلەر وپەراتسيانىڭ ءساتتى وتكەنىن مالىمدەدى. وتادان كەيىن ناۋقاس بالا بولىمشەگە اۋىستىرىلعان. قازىرگى جاعدايى جاقسى.
«بۇل اقاۋ تۋا ءبىتتى پايدا بولادى، ەگەر وتا جاساماسا، ەنتىكپە- كوگەرۋ بەلگىلەرى كۇشەيىپ، بالا شەتىنەپ كەتۋى مۇمكىن. وپەراتسيا كەزىندە جۇرەك قاقپاقشاسىن جابىق تۇردە كەڭەيتتىك. ياعني، باللوندى ۆالۆۋلوپلاستيكا جاسادىق. وپەراتسيا ءساتتى ءوتتى. 23-ناۋرىز كۇنى پاتسيەنتتى ۇيىنە شىعاردىق»، - دەيدى كارديولوگيا، انگيوحيرۋرگيا بولىمشەسىنىڭ مەڭگەرۋشىسى ولجاس شىنتاسوۆ.
اۆتور: قايرات زاينيشيەۆ
