الماتى وبلىسىندا 4 ادامدى مىلتىقپەن اتىپ ءولتىردى دەگەن كۇدىكتى ۇستالدى
«الماتى وبلىسىندا حالىقارالىق ىزدەۋدە جۇرگەن كۇدىكتى ۇستالدى. وقيعا 2020 -جىلدىڭ 7-اقپانىندا جامبىل وبلىسىنىڭ قورداي اۋدانىنا قاراستى ماسانشى اۋىلىندا بولعان. ءبىر توپ ادام اڭشى مىلتىعىمەن ءتورت ادامدى ولتىرگەن. قارۋ تاركىلەندى»، - دەپ مالىمدەدى ونلاين-بريفينگتە ىشكى ىستەر مينيسترلىگىنىڭ باسقارما باسشىسىنىڭ ورىنباسارى داۋرەن قوزىباقوۆ.
ونىڭ سوزىنشە، تاعى ءبىر ادام ولتىرۋگە قاتىستى دەگەن كۇدىكپەن تاراز قالاسىندا ۇستالعان. سونىمەن قاتار، د. قوزىباقوۆ الماتى جانە الماتى وبلىسىنداعى 6 تۇرعىننىڭ قولعا تۇسكەنىن جەتكىزدى. ىشكى ىستەر مينيسترلىگىنىڭ مالىمەتىنشە، ولار جاپپاي تارتىپسىزدىككە قاتىسىپ، ارماتۋرا بەرىپ، اسكەري قىزمەتكەركەرگە قارسىلىق كورسەتكەن.
ەستەرىڭىزگە سالا كەتەيىك، الماتى وبلىسىندا ۋاقىتشا جانە تەرگەۋ يزولياتورىنان 33 ادام، ونىڭ ىشىندە 8 كامەلەتكە تولماعان جاس ءوسپىرىم بوساتىلىپ، قولحاتپەن اتا-انالارىنا جىبەرىلگەن بولاتىن.
