الماتىلىق دارىگەرلەر ءبىر كۇندە 4 ناۋقاستىڭ كوزىنە كۇردەلى وپەراتسيا جاسادى
ەمدەۋ مەكەمەسىنىڭ باسپا ءسوز قىزمەتى ءمالىم ەتكەندەي، وپەراتسيا كوز تورشاسىنىڭ قاباتتالۋى، گەموفتالم، كاتاراكتا دياگنوزدارى بار پاتسيەنتتەرگە جاسالدى. گەموفتالم - بۇل كورۋ ورگانىنىڭ پوليەتيولوگيالىق اۋرۋى، ول قان تامىرلارى مەن شىنىدان قان كەتۋدىڭ بۇزىلۋىنا بايلانىستى داميدى.
«بۇل جابدىقتا كوزدىڭ كوزبۇرشاعىنا، سونداي-اق، كوز الماسىنىڭ ارتقى جاعىنداعى كەسىندىسىنە شۇعىل ارالاسۋمەن جاسالدى. جاڭا اپپارات پاتسيەنتكە ءبىر ۋاقىتتا قۇرامالى وپەراتسيا جۇرگىزۋمەن ەرەكشە. ءبىز ءبىر كۇندە 4 ناۋقاستىڭ كوزىنە كۇردەلى وپەراتسيا جاسادىق»، - دەدى ورتالىق قالالىق كلينيكالىق اۋرۋحانانىڭ وفتالمولوگيا بولىمشەسىنىڭ مەڭگەرۋشىسى گۇلزات ابرايموۆا.
ەندى ورتالىق قالالىق كيلينكالىق اۋرۋحانانىڭ وفتالمولوگتارى الماتى قالاسىنىڭ تۇرعىندارىنا كەزىندە كوز اۋرۋلارىنىڭ عىلىمي-زەرتتەۋ ينستيتۋتىندا عانا جۇرگىزىلگەن، اۋىر، جوعارى تەحنولوگيالىق وپەراتسيالاردى جاساي الادى.
جاڭا جابدىق - وفتالمولوگيالىق حيرۋرگيا ءۇشىن ا ق ش- تاعى جەتەكشى وندىرۋشىلەرىنىڭ بىرىندە جاسالدى .
«مۇندا كوپتەگەن فۋنكسيالار بار. اتاپ ايتسام، قىسىمدى باقىلاۋ جانە جوعارى جىلدامدىقتا دالمە-ءدال كەسۋ، لازەرمەن ساۋلەلەندىرۋ. بۇل كۇردەلى وپەراتسيانى جىلدام جاساۋعا سەپتىگىن تيگىزەدى. تىگۋسىز تەحنولوگيانى پاتسيەنت جەڭىل كوتەرەدى»، - دەدى دارىگەر.
