18:16, 09 - جەلتوقسان 2021 | GMT +5
ب ا ءا تۇرعىندارى اپتاسىنا 4 كۇن عانا جۇمىس ىستەيدى
نۇر- سۇلتان. قازاقپارات- بىرىككەن اراب امىرلىكتەرى كەلەر جىلى، ياعني ەندى بىرەر اپتادان كەيىن اپتاسىنا ءتورت- اق كۇن جۇمىس ىستەيتىن بولادى، دەپ حابارلايدى حابار 24.
ياعني جۇما كۇنى تۇسكە دەيىن قىزمەت ەتسە، ودان كەيىن تەك دۇيسەنبىدە كەلەدى. جالپى بۇل ەلدە جۇما مەن سەنبى عانا دەمالىس كۇندەرى بولىپ ەسەپتەلىپ كەلگەن ەدى. ءبىراق دەمالىستىڭ ۇزارىپ، جۇمىس كۇنىنىڭ قىسقارۋىنا قىستىڭ ەش قاتىسى جوق.
بيلىك وكىلدەرىنىڭ پىكىرىنشە، مۇنداي شەشىم قىزمەتكەرلەردى سەرگىتىپ، جەكە ومىرىنە كوڭىل ءبولىپ، سونىڭ ارقاسىندا ەڭبەك ونىمدىلىگىن ارتتىرۋعا سەپ بولماق. ال ساراپشىلار بۇل بىرىككەن اراب امىرلىكتەرىنىڭ وزگە ەلدەرمەن قارجى جانە ەكونوميكالىق وپەراتسيالاردى جۇرگىزۋىن جەڭىلدەتە تۇسەتىنىن ايتادى.
