سالالىق جۋرناليستيكا نەگىزدەرىن 4 مىڭ ءتىلشى وقىدى – مينيسترلىك

دەپ حابارلايدى قازاقپارات ۆەدومستۆونىڭ Facebook-تەگى پاراقشاسىنا سىلتەمە جاساپ.

مينيسترلىكتىڭ مالىمەتىنشە، 2021 -جىلى عانا قازاقستاننىڭ جەتەكشى جوعارى وقۋ ورىندارىمەن بىرلەسكەن كۇش- جىگەردىڭ ارقاسىندا مەملەكەتتىك، سونداي- اق جەكە مەنشىك ب ا ق- تىڭ 4000-نان استام جۋرناليسى ەلىمىزدىڭ الەۋمەتتىك- ەكونوميكالىق ءومىرىنىڭ ماڭىزدى سالالارىن جاريا ەتۋ بويىنشا تەگىن وقىتۋدان وتكەن. دايىندالعان جۋرناليستەر دەزينفورماتسياعا قارسى كۇرەستە، سونداي- اق قازاقستاندىقتاردى جان- جاقتى وبەكتيۆتى اقپاراتتىق اعارتۋدا ب ا ق پەن الەۋمەتتىك جەلىنىڭ قازاقستاندىق سەگمەنتىن دامىتۋعا ەلەۋلى ۇلەس قوسادى دەپ كۇتىلۋدە.

«جالپى، قازىردىڭ وزىندە رەسپۋبليكالىق جانە وڭىرلىك مەديا جۋرناليستەرى مەديتسينا، ەتنوسارالىق قاتىناستار، ءدىن، IT سالاسى، ەكولوگيا، اگرارلىق سەكتور، قارجى جانە ەكونوميكا، قۇقىقتانۋ ماسەلەلەرىن اقپاراتتىق جاريا ەتۋدىڭ قىر- سىرى مەن ەرەكشەلىكتەرى بويىنشا وقىتۋدان ءوتتى. ءال- فارابي اتىنداعى قازۇۋ، ل. گۋميليەۆ اتىنداعى ەۇۋ، س. اسفەندياروۆ اتىنداعى قازۇمۋ، م. نارىكبايەۆ اتىنداعى كازگيۋۋ، حالىقارالىق اقپاراتتىق تەحنولوگيالار ۋنيۆەرسيتەتى، حالىقارالىق بيزنەس ۋنيۆەرسيتەتى، م. قوزىبايەۆ اتىنداعى سكۋ ۋنيۆەرسيتەتىنىڭ جەتەكشى وقىتۋشىلارى ترەنينگتەر مەن سەمينارلاردىڭ كوۋچتارى بولدى»، دەلىنگەن حابارلامادا.

ۆەدومستۆونىڭ مالىمەتىنشە، 2021 -جىلدىڭ قىركۇيەگىنەن باستاپ م. نارىكبايەۆ اتىنداعى كازگيۋۋ باستاماسىمەن باكالاۆريات ستۋدەنتتەرى ءۇشىن «جۋرناليستيكا: اناليتيكا جانە تەرگەۋلەر»، سونداي- اق ءال- فارابي اتىنداعى قازۇۋ- دىڭ ماگيستراتۋرا ستۋدەنتتەرىنە ارنالعان «ەكولوگيالىق جۋرناليستيكا» ەكى جاڭا ءبىلىم بەرۋ باعدارلاماسى ىسكە قوسىلدى.

سونداي- اق، مينيسترلىك «مەديا دامىتۋ قورى» كورپوراتيۆتىك قورى بازاسىندا مەديامامانداردى وقىتۋ ماقساتىندا مۋلتيمەديالىق ءبىلىم بەرۋ- اقپاراتتىق پلاتفورماسىن ىسكە قوستى.

«سالالىق جۋرناليستيكانى دامىتۋ جوسپارىنىڭ ماڭىزدى بولىگى رەتىندە مينيسترلىك، سالالىق ۇيىمدار مەن سالالىق كاسىپتىك وداقتار اراسىندا 2021-2023 -جىلدارعا ارنالعان كەلىسىم جاسالىد. كەلىسىم الەۋمەتتىك- ەكونوميكالىق جانە ەڭبەك قاتىناستارىن رەتتەۋدىڭ جالپى قاعيداتتارىن، سالالىق جۋرناليستەردى دايارلاۋ جونىندەگى تاراپتاردىڭ ءوزارا مىندەتتەمەلەرى مەن جاۋاپكەرشىلىگىن ايقىندايدى دەپ كۇتىلۋدە»، دەلىنگەن حابارلامادا.