19:24, 01 - قاراشا 2021 | GMT +5
شىمكەنتتە 4-قاباتتان قۇلاعان بالا ءتىرى قالعانى انىقتالدى
تۇركىستان. قازاقپارات - شىمكەنت قالاسىندا بەس قاباتتى تۇرعىن ءۇيدىڭ ءتورتىنشى قاباتىنان قۇلاعان بالا ءتىرى قالعانى انىقتالدى، دەپ حابارلايدى قازاقپارات شىمكەنت قالاسى ت ج د باسپا ءسوز قىزمەتىنە سىلتەمە جاساپ.
«شىمكەنت قالاسى اباي اۋدانى گاگارين كوشەسى بويىنداعى 5 قاباتتى تۇرعىن ءۇيدىڭ 4-قاباتىنان قۇلاعان بالا جەدەل تۇردە اۋىر حالدە اۋرۋحاناعا جەتكىزىلدى. اۋرۋحانادا بالاعا شۇعىل وتا جاسالىپ، قازىرگى تاڭدا پالاتاعا شىعارىلدى. ت ج ماماندارى اتا-اناسىمەن بايلانىستا بولىپ، بالانىڭ جاعدايى ءبىر قالىپتا ەكەندىگىن مالىمدەيدى» دەلىنگەن حابارلامادا .
ايتا كەتەيىك، بۇعان دەيىن تاراعان شۇعىل حابار جاڭساق بولىپ شىقتى. ياعني، بيىكتەن قۇلاعان بالا اۋرۋحانادا كوز جۇمدى دەگەن مالىمەت شىندىققا ساي ەمەستىگى انىقتالدى.
