ۇيىقتاپ جاتقان 4 ايەلدى پىشاقتاپ ولتىرگەن اقمولالىق ءومىر بويىنا سوتتالدى
سوتتا انىقتالعانداي، سوتتالۋشى ىشىمدىك ىشكەننەن كەيىن زارداپ شەككەندەردىڭ بىرىمەن بولعان جانجالدىڭ سالدارىنان ۇيىقتاپ جاتقاندا ءتورت ايەلدى، ياعني دارمەنسىز كۇيدە بولعان ادامداردى ولتىرگەن. سوتتالۋشىنىڭ كىناسىنىڭ دالەلى ونىڭ كىسى ولتىرگەنى تۋرالى ادۆوكاتتىڭ قاتىسۋىمەن بەرىلگەن العاشقى مويىنداۋى بولدى. سونىمەن قاتار، تابىلعان قىلمىس قۇرالى پىشاقتان ەر ادامنىڭ جەكە ءيىسى مەن جابىرلەنۋشىلەردىڭ قانى تابىلدى. سوتتا پروكۋرور مەن جابىرلەنۋشى تاراپ ءومىر بويىنا باس بوستاندىعىنان ايىرۋدى سۇرادى. الايدا سوتتالۋشىنىڭ ءوزى ايعاقتارىن وزگەرتتى، كىناسىن مويىندامادى جانە جاساعان ىسىنە وكىنبەدى.
«سوت سوتتالۋشىعا ءومىر بويىنا سوتتاۋ كەزىندە سوتتالۋشىنىڭ بۇرىن بىرنەشە رەت سوتتالعانىن، بۇرىن تاعايىندالعان جازالار ونى تۇزەتۋ ءۇشىن جەتكىلىكسىز ەكەنىن جانە ول وزىنە ءتيىستى قورىتىندى جاساماي، ۇيىقتاپ جاتقان ءتورت جازىقسىز ايەلدى ولتىرگەنىن ەسكەردى. سونداي- اق، سوت اسا اۋىر قىلمىستىڭ ءمان- جايىن، قوعامدىق قاۋىپتىڭ سيپاتى مەن دارەجەسىن، قازا تاپقانداردىڭ سانىن ەسكەردى. سونىمەن بىرگە قىلمىستىڭ سەبەبى جابىرلەنۋشىمەن شامالى قاقتىعىس، جابىرلەنۋشىلەردىڭ دارمەنسىز جاعدايىن پايدالانۋ بولدى. سوت اتالعان ءمان- جايدى ەسكەرە وتىرىپ، سوتتالعان ادامدى قوعام ءۇشىن اسا قاۋىپتى دەپ سانادى. سوتتالعان ادامنىڭ كىناسىن جەڭىلدەتەتىن جاعداي كامەلەتكە تولماعان بالانىڭ بولۋى بولدى. سوت سوتتالعان ادامنىڭ جاۋاپكەرشىلىگىن اۋىرلاتاتىن ءمان- جاي دەپ قىلمىس جاساۋدى الكوگولدىك ماساڭ كۇيدە دەپ تانىدى»، - دەپ اتاپ ءوتتى ۆەدومستۆودان.
سول سەبەپتى سوت ەر ادامعا ءومىر بويىنا باس بوستاندىعىنان ايىرۋ جازاسىن تاعايىندادى. ول ونى توتەنشە قاۋىپسىزدىك قىلمىستىق- اتقارۋ جۇيەسى مەكەمەسىندە وتەيتىن بولادى. وسى رەتتە ول العاشقى ءۇش جىلىن تولىق قاۋىپسىز قىلمىستىق- اتقارۋ جۇيەسى مەكەمەسىندە وتكىزەدى. سوت جابىرلەنۋشىنىڭ مورالدىق زياندى وتەۋ تۋرالى مالىمدەلگەن تالاپ- ارىزدارىن تولىق كولەمدە قاناعاتتاندىردى. سوت ۇكىمى زاڭدى كۇشىنە ەنگەن جوق.
ەسكە سالا كەتەيىك، وتكەن جىلدىڭ 5 - جەلتوقسانىندا بۋراباي اۋداندىق پوليتسيا ءبولىمىنىڭ كەزەكشى بولىمىنە بۋراباي كەنتىنىڭ تۇرعىنى حابارلاسىپ، كوپقاباتتى تۇرعىن ءۇيدىڭ پاتەرىندە ءتورت ايەلدى ولتىرگەنىن ايتقان بولاتىن. كەيىن پوليتسيا قىزمەتكەرلەرى بىرنەشە رەت سوتتالعان 28 جاستاعى جەرگىلىكتى تۇرعىندى ۇستادى.
اۆتور: اسلان وسپانوۆ
