حالىقارالىق وليمپيادا جەڭىمپازدارى قازاقستاندا 4 ميلليون تەڭگەگە دەيىن اقشالاي سىيلىق الادى

نۇر-سۇلتان. قازاقپارات - قازاقستان اقشالاي سىيلىقپەن حالىقارالىق زياتكەرلىك وليمپيادالارعا قاتىسۋشىلاردى ىنتالاندىرادى.

بۇل تۋرالى ءبىلىم جانە عىلىم ءمينيسترى اسحات ايماعامبەتوۆ مالىمدەدى.

«ينتەللەكتۋالدى باعىتتاعى حالىقارالىق وليمپيادالارعا قاتىسۋشىلاردى ىنتالاندىرۋ جانە قولداۋ ماقساتىندا ءبىر رەتتىك اقشالاي سىيلىقتاردى بەلگىلەۋ جوسپارلانۋدا. ول جوسپار بويىنشا - التىن - 1500 ا ە ك، كۇمىس - 1000 ا ە ك، قولا - 500 ا ە ك»، - دەپ مالىمدەدى مينيستر ۇكىمەت وتىرىسىندا.

ايتا كەتەيىك، 1 ا ە ك - 2917 تەڭگە. سىيلىقاقىلار كولەمى 1,4 ميلليوننان 4,4 ميلليون تەڭگەگە دەيىن بولادى سونداي-اق، جەڭىمپازداردى دايىنداعان مۇعالىمدەر مەن تالىمگەرلەرگە ءبىر رەتتىك اقشالاي سىيلىقتار بەرىلەدى.

بۇل شارالاردى جۇزەگە اسىرۋ ءۇشىن «ءبىلىم تۋرالى» قازاقستاننىڭ زاڭىنا ءبىلىم بەرۋ سالاسىنداعى ۋاكىلەتتى ورگاننىڭ قۇزىرەتىنە حالىقارالىق وليمپيادالاردىڭ جەڭىمپازدارى مەن جۇلدەگەرلەرىن كوتەرمەلەۋ ەرەجەسىن بەكىتۋدى قوسۋ بولىگىندە وزگەرىستەر ەنگىزىلەتىن بولادى.

massaget.kz