10:06, 27 - تامىز 2021 | GMT +6
جامبىل وبلىسىنداعى جارىلىستان 4 اسكەري قىزمەتشى قازا تاپتى
تاراز. قازاقپارات - جامبىل وبلىسىنداعى جارىلىستان 4 اسكەري قىزمەتشى قازا تاپتى. بۇل تۋرالى ق ر قورعانىس ءمينيسترى نۇرلان ەرمەكبايەۆ ءمالىم ەتتى، دەپ حابارلايدى قازاقپارات ءتىلشىسى.
«ەڭ الدىمەن وسى اپاتتا، ءورت ءسوندىرۋ بارىسىندا قازا تاپقان 4 اسكەري قىزمەتشىنىڭ جاقىن تۋىستارىنا كوڭىل ايتامىز جانە جاراقاتتانعان قىزمەتشىلەرگە تەزىرەك ساۋىعىپ كەتۋلەرىن تىلەيمىز»، - دەدى ق ر قورعانىس ءمينيسترى جامبىل وڭىرلىك كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.
ايتا كەتەيىك، كەشە ساعات شامامەن 19:00 دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جارىلىس بولدى.