وسكەمەندەگى جول اپاتى: 4 كولىك سوقتىعىستى - فوتو

وسكەمەن. قازاقپارات - وسكەمەندەگى ج م ك اۋدانىندا ءىرى كولىك اپاتى بولدى، دەپ حابارلايدى قازاقپارات YK-news.kz سايتىنا سىلتەمە جاساپ.

«لادا پريورا رۋلىندەگى جۇرگىزۋشى ساتبايەۆ داڭعىلىندا كەپتەلىس كەزىندە جىلدامدىقتى ارتتىرعان جانە اينالۋ بارىسىندا جولدا تۇرعان Nissan Maxima كولىگىمەن سوقتىعىسقان. قاتتى سوققى سالدارىنان Lada كولىگى قارسى باعىتتاعى جولاققا شىعىپ كەتىپ، Subaru Legacy جانە LADA Priora-مەن بەتپە-بەت سوقتىعىستى»، - دەلىنگەن قالالىق پوليتسيا باسقارماسىنىڭ حابارلاماسىندا.

جول اپاتىنان زارداپ شەككەندەر بار، ءبىراق ولار اۋرۋحاناعا جاتۋدان باس تارتتى. قولايسىز اۋا رايى جاعدايلارىنا بايلانىستى پوليتسيا باسقارماسى اۆتوجۇرگىزۋشىلەرگە جول ەرەجەسى مەن قاۋىپسىز جىلدامدىق رەجيمىن ساقتاۋدى ەسكەرتەدى.

اۆتور: ايجان سەرىكجان قىزى